12.01.2025 | 15:30
Ձեր հիմնական առաքելությունը ոչ թե արդարադատության իրականացումն է, այլ արդարության սահմանումը․ Գալյանը՝ դատավորներին
ՌԴ Պաշտպանության նախարարությունն աֆրիկյան կորպուս կստեղծի
Քաղաքականություն
21.11.2023 | 23:00
Ռուսաստանի զինված ուժերի կազմում նոր ստորաբաժանում կհայտնվի՝ Աֆրիկայում ռազմական, ենթակառուցվածքային և հումանիտար խնդիրներ լուծելու համար, հայտնում է The Moscow Times-ը։
Նրա խոսքով՝ կարճ ժամանակում կստեղծվի «Աֆրիկյան կորպուս» կոչվող կազմավորումը՝ «օգնելու աֆրիկյան ինքնիշխան պետություններին դիմակայել Արևմուտքի նեոգաղութատիրական ազդեցությանը՝ խաթարելով նրա ռեսուրսների բազան»։
Բացի այդ, տեղեկացվում է, որ կորպուսը կզբաղվի ահաբեկչության դեմ պայքարով, ենթակառուցվածքների կառուցմամբ և բնակչության հումանիտար խնդիրների լուծմամբ։ Նոր կառույցի անմիջական ղեկավարությունը վստահվել է պաշտպանության փոխնախարար Յունուս-Բեկ Եվկուրովին, որը սեպտեմբերին մի քանի այցեր է կատարել աֆրիկյան երկրներ։
Տելեգրամյան ալիքներում արդեն հաղորդումներ են եղել Աֆրիկայի կորպուսում հավաքագրվելու մասին: Նշվում է, որ դրան միացած զինվորականները պետք է «լիամասշտաբ ռազմական գործողություններ իրականացնեն մայրցամաքում՝ ի աջակցություն այն երկրների, որոնք ձգտում են վերջնականապես ազատվել նեոգաղութային կախվածությունից»։ Նրանց առաջարկվում է «բարձր աշխատավարձ»՝ ենթադրաբար 280 հազար ռուբլի, անվճար բժշկական օգնություն, ինչպես նաև կյանքի և առողջության ապահովագրություն «դաշնային բյուջեի հաշվին»։
