19.06.2026 | 13:34
Դավիթ Ղազինյանը դատի է տվել ԿԸՀ-ին․ պահանջում է իր մասով երկու որոշումներն անվավեր ճանաչել
Մոլդովայի նախագահի շունը կծել է Ավստրիայի նախագահին․ ՏԵՍԱՆՅՈՒԹ
Քաղաքականություն
17.11.2023 | 23:30
Մոլդովայի նախագահ Մայա Սանդուի շունը՝ Կոդրուց անունով, կծել է Ավստրիայի առաջնորդ Ալեքսանդր Վան դեր Բելենի ձեռքը, հաղորդում է TVR Moldova հեռուստաալիքը։
Երբ Ավստրիայի նախագահը որոշել է շոյել շանը, կենդանին կծել է նրա ձեռքը։ Տղամարդը ցույց չի տվել, որ ցավում է, սակայն կառավարության անդամների հետ հանդիպմանը, ինչպես նաև ասուլիսի ժամանակ Վան դեր Բելենի ձեռքը վիրակապած է եղել։
Ավելի ուշ Սանդուն բացատրել է, որ կենդանին վախեցել է մարդկանցից (միջադեպը տեղի է ունեցել այգում՝ լրագրողների ներկայությամբ)։
Մոլդովայի նախագահն ավելի վաղ սոցցանցերի իր էջերում հայտնել էր, որ Կոդրուկը թափառող շուն է եղել։ Կենդանին որդեգրվել է մեքենայի տակ ընկնելուց հետո։ Սանդուի խոսքով՝ մասնագետներին չի հաջողվել փրկել շան թաթերից մեկը, սակայն այժմ Կոդրուցը «երեք թաթերի վրա երջանիկ վազում է»։
Հայտնի է, որ Ավստրիայի ղեկավարը ժամանել է Քիշնև՝ մասնակցելու մոլդովա-ավստրիական բիզնես ֆորումին և հանդիպելու երկրի քաղաքական գործիչների հետ։ Ավելի վաղ Վան դեր Բելենը հայտարարել էր, որ աջակցում է Մոլդովայի՝ Եվրամիությանն անդամակցելու որոշմանը։
Մոլդովան ԵՄ անդամակցության հայտ է ներկայացրել 2022 թվականի մարտին։
Austrian President Alexander Van der Bellen was bitten by Maia Sandu's dog. #Moldova #Austria pic.twitter.com/FrFnQxVYMZ
— Farnak (@Farnakyboy) November 17, 2023
