02.07.2026 | 15:39
Եվրոպա գնացող ՔՊ-ի մտքով ո՞նց է անցել այս կարգավորումը, որից աշխարհը հրաժարվում է․ Քրիստինե Վարդանյան․ ՏԵՍԱՆՅՈՒԹ
Ուկրաինացիներն ԱՄՆ-ում են մարզվում F-16 վարելու համար․ Պենտագոն
Քաղաքականություն
17.11.2023 | 22:24
ԱՄՆ-ում ուկրաինացի օդաչուները սկսել են F-16 կործանիչներ վարելու դասընթացները։ Այս մասին հայտարարել է Պենտագոնը։
«Պաշտպանության նախարարությունն արդեն ներգրավված է ուկրաինացի օդաչուների պատրաստման գործում՝ F-16 ինքնաթիռներ վարելու համար»,- ասվում է հաղորդագրության մեջ։
Դրանում նշվում է, որ միաժամանակ լուծվում է Ուկրաինային այդ ինքնաթիռների պահեստամասեր տրամադրելու հարցը։
Պենտագոնը հիշեցրել է, որ այս տարվա սկզբին ԱՄՆ Պետքարուղարությունը հայտարարեց իր պատրաստակամության մասին՝ հավանություն տալ երրորդ կողմի կողմից ամերիկյան արտադրության F-16 ինքնաթիռների Ուկրաինա տեղափոխմանը։ Նիդերլանդները, Դանիան և Նորվեգիան հաստատել են, որ մտադիր են մատակարարումներ իրականացնել՝ ինքնաթիռները դուրս բերելով սեփական օդուժերից։
