16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Իսրայելը հրթիռային հարված է հասցրել Դամասկոսի արվարձաններին
Քաղաքականություն
17.11.2023 | 21:53
Սիրիական բանակը հայտարարել է, որ հինգշաբթի լույս ուրբաթ գիշեր Իսրայելը հրթիռային հարված է հասցրել Դամասկոսի արվարձաններին Գոլանի բարձունքներից: Սիրիացիները պնդում են, որ խոցել են հրթիռների մեծ մասը, գրում է BBC-ի ռուսական ծառայությունը։
Սիրիական բանակի հայտարարության մեջ ասվում է, որ հրթիռների մեծ մասը որսացել են, սակայն մի քանիսը նյութական վնաս են հասցրել։ Չի հաղորդվում, թե քանի հրթիռ է արձակվել և ինչ ուղղություններ են թիրախավորվել։
Իսրայելական բանակն այս առնչությամբ տեղեկություններ չի հաղորդում։
Անցյալ շաբաթ Իսրայելը հայտնել էր, որ Սիրիայից անօդաչու թռչող սարք է արձակվել, որը հարվածել է Էյլաթում գտնվող դպրոցին, և որ իսրայելական բանակը պատասխան հարված է հասցրել։
Նոյեմբերի 8-ին էլ Դամասկոսը հայտարարել էր, որ Իսրայելն ավիահարվածներ է հասցրել Սիրիայի հարավում գտնվող թիրախներին։
Էմմա Չոբանյան
