05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
ԱԺ նախկին նախագահ Տիգրան Թորոսյանը՝ 2008թ «Մարտի 1»-ին գործած գաղտնի շտաբի մասին
Քաղաքականություն
27.07.2018 | 17:01
ՀՀ ԱԺ նախկին նախագահ Տիգրան Թորոսյանը չի ցանկանում ՀՀ 2-րդ նախագահ Ռոբերտ Քոչարյանի շուրջ կատարվողի վերաբերյալ գնահատականներ տալ։ Այս մասին Factor․am-ի հետ զրույցում ասաց Տիգրան Թորոսյանը։
Հարցին՝ չունի մտավախություն, որ հնարավոր է հարցաքննությունների շղթան հասնի նաև իրեն, քանի որ երկրում արտակարգ դրություն մտցնելիս Ռոբերտ Քոչարյանը հարցը քննարկել է նաև նրա հետ՝ որպես այն ժամանակվա ԱԺ նախագահ, բացի այդ՝ ըստ տարածված տեղեկությունների, նա հանդիսացել է «Մարտի 1»-ի դեպքերի ժամանակ գործած գաղտնի շտաբի անդամ, Տիգրան Թորոսյանը պատասխանեց․ «Որևէ բան, երբ ասում են, պետք է դրա համար հիմնավորում ունենան։ Հերյուրանք է, նման բան չի եղել։ Տասը տարի առաջ էլ են ասել, ես ասել եմ, որ նման բան չի եղել։ Ես որևէ շտաբի գոյության մասին չեմ իմացել և, հետևաբար, դրա անդամ չէի կարող լինել»։
Ճշտող հարցին՝ փաստորեն, մտավախություն չունի, որ կարող է հարցաքննվել, Տիգրան Թորոսյանը պատասխանեց․ «Ես Ձեր հարցին արդեն պատասխանեցի»։
Հիշեցնենք, որ, ըստ մամուլի հրապարակումների, մարտիմեկյան ոճրագործության ժամանակ գործել է գաղտնի «շտաբ», որի կազմում են եղել Ռոբերտ Քոչարյանը, Սերժ Սարգսյանը, Հովիկ Աբրահամյանը, Աղվան Հովսեփյանը, Արմեն Գևորգյանը, Գրիշա Սարկիսյանը, Գորիկ Հակոբյանը և Տիգրան Թորոսյանը։
