05.06.2026 | 14:09
ԱՄՆ Ներկայացուցիչների պալատը հավանություն է տվել ՌԴ-ի դեմ պատժամիջոցներին
Հրանտ Դինքին կյանքից զրկելու համար դատապարտված Օգյուն Սամասթը բանտից ազատ է արձակվել
16.11.2023 | 11:11
Պոլսահայ լրագրող, «Ակոս» թերթի գլխավոր խմբագիր Հրանտ Դինքին սպանած Օգյուն Սամասթը պայմանական վաղաժամկետ ազատ է արձակվել բանտից «լավ վարքի» համար, գրում են թուրքական լրատվամիջոցները։
Նշվում է, որ 16 տարի 10 ամիս բանտում գտնվող Սամասթը բավարարել է պայմանական վաղաժամկետ ազատման պայմանները՝ «անձնական զարգացման համար կատարված դիտարկումների ժամանակ լավ վարք դրսևորելով»։
Սպասվում էր, որ Սամասթը կազատվի բանտից 2020 թվականին, բայց նրա պատժաչափը ավելացվել էր 5 տարով բանտապահների վրա հարձակման համար։
Հրանտ Դինքը սպանվել էր 2007 թվականի հունվարին Ստամբուլի իր գրասենյակից հեռանալիս: Մարդասպան Սամասթն այդ ժամանակ 17 տարեկան էր․ նա անչափահասների դատարանի կողմից դատապարտվել էր ցմահ ազատազրկման, սակայն տարիքի պատճառով պատժաչափը կրճատվել է մեկ երրորդով:
Ի վերջո, նա ընդհանուր առմամբ դատապարտվել էր 22 տարի 10 ամիս ազատազրկման։ Պատիժների կատարման մասին օրենքի համաձայն՝ Սամասթը պետք է կրեր այս պատժից 15 տարի 2 ամիսը, որից վերջին 1,5 տարին՝ պայմանական վաղաժամկետ ազատման պայմաններում։
Էմմա Չոբանյան
