05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
ՊՊԾ գնդի գրավման գործով ևս երկու ամբաստանյալի խափանման միջոցը փոխվեց
Հասարակություն
27.07.2018 | 15:48
Շենգավիթ վարչական շրջանի ընդհանուր իրավասության առաջին ատյանի դատարանը փոխեց ՊՊԾ գնդի գրավման գործով ամբաստանյալ Արայիկ Հակոբյանի խափանման միջոցը: «Արմենպրես»-ի փոխանցմամբ՝ նա դատարանի դահլիճից ազատ արձակվեց:
Արայիկ Հակոբյանի նկատմամբ կալանավորումը որպես խափանման միջոցը փոխելու երաշխավորություն ներկայացրել են «Ծառուկյան» խմբակցության պատգամավորներ Նաիրա Զոհրաբյանը, Վահե Էնֆիաջյանը և Սերգեյ Բագրատյանը:
«Կարծում ենք՝ տղաները պետք է լինեն ազատության մեջ ու անկաշկանդ մասնակցեն դատական գործընթացին: Հույս ունենք, որ դատարանն անկաշկանդ է լինելու այլևս իր գործառույթներում: Մյուս տղաների համար ևս պատրաստ ենք ներկայացնելու մեր երաշխավորությունը»,-ասաց պատգամավոր Նաիրա Զոհրաբյանը:
Ավելի վաղ պաշտպանական կողմը միջնորդել էր այս խմբի մեկ այլ ամբաստանյալ Մարտիրոս Հակոբյանի խափանման միջոցը փոխելու համար:
Դատավոր Արշակ Վարդանյանը որոշել էր բավարարել պաշտպանական կողմի միջնորդությունը և 1 միլիոն դրամ գրավի դիմաց ազատ արձակել Մարտիրոս Հակոբյանին։
Վերջինս գտնվում է «Էրեբունի» բժշկական կենտրոնում և ստացիոնար բուժում է ստանում։
