Քաղաքականություն
15.11.2023 | 23:18
Համաձայն փաստաթղթերի, որոնց ծանոթացել է Bloomberg գործակալությունը, ԵՄ-ն կարող է արգելել հաստոցների և մեքենաների պահեստամասերի արտահանումը, որոնք Ռուսաստանն օգտագործում է Ուկրաինայի դեմ պատերազմի համար զենք արտադրելու նպատակով, գրում է BBC-ի ռուսական ծառայությունը։
Ըստ լրատվամիջոցի՝ այս առաջարկը կա ԵՄ պատժամիջոցների 12-րդ փաթեթում, որը ներառում է նաև ադամանդի ներմուծման արգելք և ռուսական նավթի գնային սահմանափակումների ուժեղացման միջոցառումներ:
ԵՄ անդամները մտադիր են այս շաբաթ քննարկել առաջարկները, և դրանք կարող ենք փոխվել՝ նախքան վերջնականապես համաձայնեցվելը։ Եվրամիությունը մտադիր է արգելել հաստոցների, քիմիական նյութերի, լիթիումի մարտկոցների, թերմոստատների, շարժիչների և անօդաչու թռչող սարքերի պահեստամասերի արտահանումը Ռուսաստան։
Բացի այդ, կարող է սահմանափակվել հեղուկացված պրոպանի, չուգունի, պղնձե և ալյումինե լարերի, փայլաթիթեղի և խողովակների ներմուծումը։
Էմմա Չոբանյան
