06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ֆինլանդիայի ՆԳՆ-ն ցանկանում է փակել Ռուսաստանի հետ սահմանային անցակետերը
Քաղաքականություն
14.11.2023 | 21:55
Ֆինլանդիան պատրաստվում է սահմանափակել երթևեկությունը Ռուսաստանի հետ սահմանին։ Այս մասին հայտարարել է Ֆինլանդիայի ներքին գործերի նախարար Մարի Ռանտանենը, գրում է Կոմերսանտը։
Նրա խոսքով՝ Հելսինկին վախենում է անօրինական միգրանտների թվի աճից։ Նախարարը պարզաբանել է, որ երկրի օրենսդրության համաձայն՝ նման սահմանափակումներ կարող են կիրառվել «հասարակական կարգի, ազգային անվտանգության կամ հանրային առողջության համար լուրջ սպառնալիքի» դեմ պայքարելու համար։
«Ներքին գործերի նախարարությունն արագորեն կառավարությանը կներկայացնի սահմանային անցումները սահմանափակելու կամ փակելու առաջարկ»,- ասել է Ռանտանենը մամուլի ասուլիսում:
Նա նշել է, որ առանց վիզայի միգրանտների թիվը սահմանին դեռ փոքր է, բայց «զգալիորեն աճել է»։
«Խոսքը միշտ չէ, որ թվի, այլ երևույթի մասին է: Մենք չենք կարող անմիջապես ձեռնարկել ամենախիստ միջոցները: Բայց կառավարությունն իրավունք ունի ձեռնարկելու բոլոր միջոցները, որոնք թույլ է տալիս օրենքը»,- ընդգծել է ֆինն պաշտոոնյան։
