27.06.2026 | 10:30
Մհեր Գրիգորյանը և Իրանի փոպնախագահը քննարկել են Հայաստան-Իրան երկկողմ օրակարգին առնչվող հարցեր
Արևմտյան պաշտոնյաները կարծում են, որ Ուկրաինայում պատերազմը կձգվի ևս 5 տարի․ The Economist
Քաղաքականություն
14.11.2023 | 19:51
Արևմտյան պաշտոնյաներն ավելի ու ավելի հաճախ են ենթադրություն հայտնում, որ Ուկրաինայում պատերազմը կարող է ձգվել ևս հինգ տարի՝ հաշվի առնելով, որ ո՛չ Ռուսաստանը, ո՛չ Ուկրաինան պատրաստ չեն հանձնվելու, բայց նաև չեն կարողանում բեկում մտցնել իրավիճակում։ Այս մասին գրում է The Economist-ը, որին վկայակոչում է BBC-ի ռուսական ծառայությունը։
Լրատվամիջոցը նշում է, որ ուկրաինական պատերազմը հիշեցնում է ոչ միայն այն մասին, թե որքան զինամթերք է ծախսվում խոշոր պատերազմներում, այլև այն մասին, թե իրականում որքան սուղ են արևմտյան զինանոցները և դրանք համալրելու կարողությունը։ ԱՄՆ-ը կտրուկ ավելացնում է 155 մմ տրամաչափի հրետանային արկերի արտադրությունը, սակայն 2025 թվականին նրա արտադրությունը, հավանաբար, դեռ ավելի ցածր կլինի, քան 2024 թվականին Ռուսաստանում: Որպես զենքի հետ կապված լարված իրավիճակի օրինակ՝ լրատվամիջոցը համեմատում է Ուկրաինայի պատերազմը և Իսրայելի պատերազմը ՀԱՄԱՍ-ի հետ։ Լրագրողները նշում են, որ, ընդհանուր առմամբ, դրանք երկու տարբեր տեսակի պատերազմներ են, և դրանք վարելու համար տարբեր զենքեր են անհրաժեշտ։
Ուկրաինային անհրաժեշտ են հեռահար հրթիռներ՝ Ղրիմին հարվածելու համար, ինչպես նաև զրահամեքենաներ, որոնք թույլ կտան հետևակին առաջ շարժվել, և ականազերծող սարքավորումներ՝ հսկայական ականապատ դաշտերը հաղթահարելու համար: Իսրայելին անհրաժեշտ են օդից նետելու խելացի ռումբեր, այդ թվում՝ բունկերներ և «Երկաթե գմբեթ»-ի հրթիռներ, որոնք սպառվում են մեծ արագությամբ:
Բայց կան նաև խաչմերուկներ։ Անցյալ տարի Ամերիկան օգտագործել է իր զինամթերքը Իսրայելում՝ Ուկրաինային զինելու համար։ Հոկտեմբերին ստիպված է եղել արկերի մի մասը, որոնք պետք է մատակարարվեին Ուկրաինա, Իսրայելին ուղղորդել։
Ներկայում ԱՄՆ-ը, հավանաբար, կկարողանա բավարարել երկու երկրների պահանջները, գրում է Economist-ը, բայց եթե պատերազմներից մեկը (կամ երկուսն էլ) երկարաձգվեն, կարող են խնդիրներ առաջանալ։
«Ժամանակի ընթացքում պետք է գնալ փոխզիջումների, քանի որ որոշ առանցքային համակարգեր կվերաուղղեն Իսրայել»,- գրում է Վաշինգտոնի Ռազմավարական և միջազգային հետազոտությունների կենտրոնից Մարկ Կանսիանը։
Նշվում է, որ որոշ համակարգեր, որոնք Ուկրաինային անհրաժեշտ են հակահարձակման համար, կարող են հասանելի չլինել այն քանակով, ինչի հույսն ուներ Կիևը։
Էմմա Չոբանյան
