23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
1962 թվականի Ferrari-ն վաճառվել է 51,7 միլիոն դոլարով
Քաղաքականություն
14.11.2023 | 23:10
1962 թվականի արտադրության Ferrari 250 GTO մրցարշավային մեքենան Նյու Յորքում անցկացված աճուրդում վաճառվել է 51,7 միլիոն դոլարով և դարձել պատմության երկրորդ ամենաթանկ մեքենան, որը վաճառվել է աճուրդում։ Le Monde-ի փոխանցմամբ՝ այս մասին հայտնում է Sotheby’s աճուրդի տունը։
Վաճառված Ferrari 250 GTO-ն մասնակցել է 1962 թվականին «Լե Մանի 24 ժամ» մրցաշարին: Այն վարել են բրիտանացի վարորդ Մայք Պարկեսը և Scuderia Ferrari թիմի իտալացի մրցարշավորդ Լորենցո Բանդինին: 1974-1985 թվականներին մեքենայի սեփականատերը եղել է ամերիկյան Ferrari Club of America կազմակերպության նախագահը։
Վերջին 38 տարիների ընթացքում Ferrari 250 GTO-ն պատկանում էր ամերիկացի մի կոլեկցիոների: Նոր սեփականատերի անունը չի հրապարակվում։
Պատմության մեջ ամենաթանկ մեքենան, որը վաճառվել է աճուրդում, եղել է Mercedes 300 SLR Uhlenhaut Coupe-ն։ 2022 թվականին այն գնել են 135 միլիոն եվրոյով։
