13.01.2025 | 11:39
«Եռաբլուրից» գողացված ծաղիկները վաճառել են Հյուսիսային պողոտայում՝ մեկ հատը 500-ից 1000 դրամով. երկու անձ կալանավորվել է․ ՔԿ
ՀՀ փորձագիտական կենտրոնում առաջին անգամ իրականացվել է հեղինակի գրավոր խոսքի նույնացման փորձաքննություն
Հասարակություն
13.11.2023 | 23:17
ՀՀ փորձագիտական կենտրոնում առաջին անգամ իրականացվել է հեղինակի գրավոր խոսքի նույնացման փորձաքննություն
Փորձագիտական կենտրոնը սկսել է իրականացնել հեղինակի գրավոր խոսքի նույնացման փորձաքննություն։ Այդ մասին տեղեկացնում են կենտրոնի հասարակայնության հետ կապերի բաժնից:
Հեղինակային փորձաքննությունը նշանակվում է այն ժամանակ երբ անհրաժեշտ է պարզել տեքստի հեղինակին և կատարման պայմանները: Հեղինակային փորձաքննության հիմնական նպատակն է, տալ հետևյալ հարցերի պատասխանները՝
- հանդիսանո՞ւմ է տվյալ անձը տեքստի հեղինակ.
- արդյոք մի քանի տեքստեր կատարված են նո՞ւյն հեղինակի կողմից.
- արդյոք տվյալ տեքստը կատարվա՞ծ է հեղինակի կողմից թելադրության կամ արտագրության միջոցով (նման
- հարցեր առաջանում են հատկապես շանտաժի, շորթման, մարդկանց առևանգման, վարույթն իրականացնող մարմնի աշխատակցի՝ քննիչի թելադրման դեպքերում):
Եթե հեղինակային փորձաքննության արդյունքում պարզվում է, որ հեղինակը և տեքստի կատարողը նույն անձն է կամ տարբեր անձինք են, ապա դա բավարար է կատարողի թելադրության կամ արտագրության փաստի հաստատման համար։
