15.09.2026 | 12:01
Թող քրեական գործ սկսվի․ դուք դատվելու եք սուտ մատնության համար․ ՔՊ-ականը՝ Մխիթարյանին․ ՏԵՍԱՆՅՈՒԹ
ԼՂ ժողովրդին տրված կարգավիճակը նրանց պաշտպանության տակ վերցնելու իրավական գործիքակազմ է. Ղազարյան
Հասարակություն
12.11.2023 | 17:24
Կապույտ անձնագրերը տրվել են Լեռնային Ղարաբաղից բռնի տեղահանված անձանց ոչ թե որպես քաղաքացիության հավաստում, այլև որպես իրավունքների իրացման հնարավորություն։ Այս մասին հայտարարել է ՆԳՆ Միգրացիայի և քաղաքացիության ծառայության պետ Արմեն Ղազարյանը կառավարության լրատվականի հետ զրույցում։
Ղազարյանն անդրադարձել է ՀՀ գործադիրի կողմից հոկտեմբերի 26-ին կայացված որոշմանը, որը վերաբերում էր ԼՂ բնակչությանը ժամանակավոր պաշտպանության կարգավիճակ տրամադրելուն և փախստական ճանաչելուն։
«Ժամանակավոր պաշտպանության կարգավիճակ տրամադրվում է, երբ տեղի է ունենում զանգվածային տեղահանություն, մենք ունեինք նման իրավիճակ։ Սա կոլեկտիվ կերպով մարդկանց պաշտպանության տակ վերցնելու իրավական գործիքակազմ է։ Մեր օրենսդրությունն այդ մասով որոշակի առանձնահատկություն ունի՝ բացի պաշտպանության վերցնելուց, նաև ճանաչում է այդ մարդկանց որպես փախստական, եթե առկա են օրենքով սահմանված հիմքերը։ Ըստ այդմ՝ ԼՂ բնակչությունը վեցվել է ժամանակավոր պաշտպանության տակ և ճանաչվել որպես փախստական։ Այս գործընթացից հետո անձինք անհատական կարգով հնարավորություն ունեն դիմելու և ստանալու ՀՀ քաղաքացիություն և օգտվելու բոլոր այն իրավունքների և պարտականությունների ծավալից, որը ենթադրում է ՀՀ քաղաքացիությունը, բացառությամբ քաղաքական իրավունքների ծավալից՝ ընտրելու և ընտրվելու իրավունքներից»,- նշել է Ղազարյանը՝ հավելելով, որ ժամանակավոր պաշտպանության կարգավիճակ տրամադրվում է 1 տարի ժամկետով` երկարաձգման հնարավորությամբ։
