03.08.2026 | 18:26
Թուրքական Աքյաքայի շրջանի ղեկավարը Հայաստանի հետ սահմանին ծանոթացել է երկաթուղու շինաշխատանքներին
Քննարկվել են ԼՂ-ից տեղահանված անձանց՝ Համաշխարհային բանկի կողմից աջակցության հնարավորությունները
Տնտեսություն
10.11.2023 | 23:08
ՀՀ ֆինանսների նախարար Վահե Հովհաննիսյանն ընդունել է Համաշխարհային բանկի (ՀԲ) տարածաշրջանային տնօրեն Միխալ Ռուտկովսկիին: Հանդիպմանը մասնակցել են նաև Համաշխարհային բանկի երևանյան գրասենյակի տնօրեն Կարոլին Գեգինատը և ՀԲ ներկայացուցիչներ:
Ֆինանսների նախարարությունից տեղեկացնում են, որ ողջունելով հյուրերին՝ նախարար Հովհաննիսյանը բարձր է գնահատել ՀԲ-ի հետ ծավալվող արդյունավետ համագործակցությունը, մասնավորապես՝ ծախսերի վերանայման թեմայով ՀԲ-ի հետ ընթացիկ երկխոսությունը: Նախարարն ընդգծել է, որ ՀԲ-ի արժեքավոր խորհուրդները հաշվի կառնվեն հաջորդ տարվա բյուջետային գործընթացներում:
Անդրադարձ է կատարվել նաև Լեռնային Ղարաբաղից բռնի տեղահանված անձանց ՀԲ-ի կողմից աջակցության հնարավորություններին:
Համաշխարհային բանկի տարածաշրջանային տնօրենն իր հերթին ընդգծել է, որ հնարավոր աջակցության տարբերակներից կարող են լինել սոցիալական ուղղվածությամբ ՀԲ-ի և ՀՀ-ի միջև որոշ ընթացիկ վարկային ծրագրերի վերակառուցումը և այդ անձանց աջակցությանն առնչվող կոմպոնենտների ներառումը:
Հանդիպման ավարտին կողմերը վերահաստատել են պատրաստակամությունը՝ ամրապնդելու ձեռքբերումները և ընդլայնելու ընթացիկ համագործակցությունը:
