23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Անտեսանելի դահիճը. փոշին ամեն տարի ՀՀ-ում բազմաթիվ կյանքեր է խլում. ՏԵՍԱՆՅՈՒԹ
Հասարակություն
10.11.2023 | 20:53
Մայրաքաղաքում օդի աղտոտվածության տվյալները ստացվում են Երևանում տեղադրված 5 դիտակայաններից։ Մթնոլորտային օդի որակի մոնիթորինգի ծառայության պետ Գոհար Հակոբյանն ասում է՝ տվյալները թարմացվում են ամեն օր․ գրեթե միշտ օդի աղտոտվածության ամենաբարձր ցուցանիշն արձանագրվում է Կենտրոն վարչական շրջանում։
Հակոբյանի խոսքով՝ վերջին տարիներին փոշու արտանետումների ամենաբարձր ցուցանիշն արձանագրվել է 2021-ին․ տարվա ընթացքում գրանցվել է սահմանային թույլատրելի կոնցենտրացիայի 1,1 անգամ գերազանցում։ Մասնագետը հիշեցնում է նաև 2022-ի սեպտեմբերի 21-ը, երբ ուժգին քամու հետևանքով Երևանի օդում փոշու պարունակությունը 8 անգամ գերազանցեց սահմանային թույլատրելի կոնցենտրացիան։ Այս տարի ցուցանիշները գերազանցվել են միջինում 1․1-ից մինչև 2,5 անգամ։
Ամեն տարի Հայաստանում 100 հազար բնակչի հաշվով 51 մարդ մահանում է օդի աղտոտվածության պատճառով, որը չնայած Հարավային Կովկասում ամենացածր ցուցանիշն է, սակայն Արևելյան Եվրոպայի երկրների համեմատ՝ Հայաստանի օդի աղտոտվածության ցուցանիշը երկուսից երեք անգամ բարձր է։
Հանրային առողջության մասնագետ Դավիթ Մելիք-Նուբարյանը նշում է՝ թե՛ մարդկանց, թե՛ լրատվամիջոցների, և թե՛ մասնագիտական հանրության կողմից քիչ է խոսվում օդի աղտոտվածության հետևանքով առաջացող խնդիրների մասին, որը նաև դժվարացնում է քաղաքացիների մոտ ի հայտ եկող հիվանդությունների և փոշու ազդեցության պատճառահետևանքային կապը գտնելը։
Մթնոլորտային օդի որակի մոնիթորինգի ծառայության պետն ընդգծում է՝ չնայած վերջին ամիսներին նկատելի են դրական միտումներ, այնուամենայնիվ, օդում փոշու պարունակությունը շարունակում է մնալ թույլատրելիից ավելի։
Մանրամասները՝ տեսանյութում։
Անի Թամրազյան
