23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ԱՄԷ-ն ցանկանում է դաշտային հիվանդանոց հիմնել Գազայի հատվածում
Քաղաքականություն
07.11.2023 | 21:28
Արաբական Միացյալ Էմիրությունները մտադիր է Գազայի հատվածում դաշտային հիվանդանոց հիմնել, և ինքնաթիռներով այն արդեն ուղարկել է Եգիպտոս։ Այս մասին հայտնում են տեղական գործակալությունները, գրում է BBC-ի ռուսական ծառայությունը։
WAM պետական գործակալությունը հաղորդել է, որ ԱՄԷ-ի նախագահը հրամայել է Գազայի հատվածում դաշտային հիվանդանոց հիմնել:
Իսրայելական Haartez-ը նշում է, որ հիվանդանոցային կառույցի բաղադրիչներով և սարքավորումներով հինգ ինքնաթիռ արդեն ուղարկվել է Արիշ քաղաքի՝ Գազային ամենամոտ Եգիպտոսի օդանավակայանը։ Միաժամանակ, ըստ պարբերականի, գործակալությունը չի գրում՝ արդյո՞ք հիվանդանոցի տեղակայումը համաձայնեցվել է Իսրայելի հետ։
Իսրայելը վերահսկում է Գազայի հատված մարդասիրական օգնության բոլոր մատակարարումները։
