23.07.2026 | 23:28
Կապանը` ԱՊՀ 2026 թվականի երիտասարդական մայրաքաղաք
Արքայազն Հարրին հրաժարվել է այցելել հորը՝ Չարլզ 3-րդին նրա 75-ամյակի կապակցությամբ
Քաղաքականություն
06.11.2023 | 23:30
Արքայազն Հարրին մերժել է հոր՝ Մեծ Բրիտանիայի Չարլզ 3-րդ թագավորի 75-ամյակի երեկույթի հրավերը։ Դրա պատճառը Սասեքսի դքսի և միապետի «լարված հարաբերություններն են», գրում է Daily Mail-ը։
Աղբյուրի փոխանցմամբ՝ Բրիտանիայի թագավորը հիասթափվել է որդու՝ Spare սկանդալային հուշագրության հրատարակման կապակցությամբ։ Այնտեղ Հարրին գրել է. «Ես բարդ զգացմունքներ ունեմ խորթ մորս հանդեպ, ով, ինձ թվում էր, վերջերս ինձ զոհաբերեց իր անձնական PR-ի զոհասեղանին»։
Թեև դուքսը մայիսին Վեսթմինսթերյան աբբայությունում մասնակցեց հոր թագադրմանը, նրա հարաբերությունները Չարլզ թագավորի հետ մնում են լարված. թագավորական ընտանիքը սեպտեմբերին հրապարակավ չնշեց նրա ծննդյան օրը:
Նշենք, որ Հարրին արդեն երկրորդ անգամ է մերժում հոր հետ ժամանակ անցկացնելու հնարավորությունը։ Սեպտեմբերին նա մերժեց թագավորի հրավերը՝ միանալու նրան Բալմորալում Եղիսաբեթ թագուհու մահվան տարելիցին, չնայած այցով Կալիֆորնիայում էր:
