08.10.2026 | 22:10
Հայաստանի մի շարք հասցեներում էլեկտրաէներգիայի անջատումներ կլինեն
Իրանի նախագահի կինը նամակ է հղել Մակրոնի կնոջը՝ Գազայի բնակիչներին աջակցելու կոչով
Քաղաքականություն
06.11.2023 | 22:58
Իրանի նախագահի կինը՝ Ջամիլե Ալամոլհոդան, մի շարք նամակներ է գրել եվրոպական երկրների նախագահների կողակիցներին՝ կոչ անելով նրանց կարեկցել ճնշված պաղեստինյան ժողովրդին և դատապարտել Իսրայելի վայրագությունները: IRNA-ի հաղորդմամբ՝ դրանցից մեկը Ֆրանսիայի նախագահ Էմանել Մակրոնի կնոջը՝ Բրիջիթ Մակրոնին ուղղված նամակն է, որում նա նշել է, որ Գազայի ծանր վիճակի հետ կապված ամենահրատապ միջոցներից մեկը «ցեղասպանությունն այնտեղ կանգնեցնելու համար անհրաժեշտ ջանքերն են»։
«Ծանր սրտով և Գազայի ճնշված կանանց ու անմեղ երեխաներին համերաշխություն հայտնելու համար դիմում եմ Ձեզ՝ դատապարտելու այս դեպքերն ու դրանց հետևանքները»,- գրել է նա։
Ջամիլե Ալամոլհոդան հավելել, որ որպես մարդ՝ «պետք է ամաչենք տեղի ունեցողի համար»։
«Տիկի՛ն Մակրոն, խնդրում եմ՝ խնդրեք Ձեր ամուսնուն, որպես անձնազոհ և կարեկցող կին, որը ներկայացնում է Ձեր հայրենիքի կանանց, մայրերին և դուստրերին, խուսափել պաղեստինցի անմեղ երեխաների և կանանց կոտորածին մասնակցելուց և ձեռնարկել հրատապ ու արդյունավետ գործողություններ, խթանել խաղաղությունը»,- ասվում է Իրանի նախագահի կնոջ նամակում։
Էմմա Չոբանյան
