07.11.2026 | 13:08
Ալիկ Սարգսյանի մարզպետության տարիներին 1480 հա հող է տրամադրվել ձևական մրցույթներով․ Դատախազությունը դիմել է դատարան
Գազայի հատվածում ՄԱԿ-ի 48 օբյեկտ է վնասվել
Քաղաքականություն
06.11.2023 | 22:12
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Պաղեստինցի փախստականներին օգնություն ցուցաբերելու ՄՍԿ-ի Մերձավոր Արևելքում գրասենյակը (UNRWA) հայտնել է, որ կազմակերպության 48 օբյեկտները Գազայի հատվածում տարբեր վնասներ են ստացել պատերազմի սկսվելուց հետո։
Ըստ ՄԱԿ-ի տվյալների՝ Գազայի 1,5 միլիոն տեղահանված բնակիչներից գրեթե կեսը տեղավորվել էին կազմակերպության կողմից ղեկավարվող հաստատություններում:
«Հոկտեմբերի 12-ի դրությամբ՝ մոտ 160,000-ը գտնվում էր հյուսիսային շրջանում և Գազայի հատվածի 57 դպրոցներում, մինչ այն պահը, երբ Իսրայելի իշխանությունները տարհանման հրաման տվեցին: UNRWA-ն ի վիճակի չէ մուտք գործել այդ ապաստարաններ՝ ժամանակավոր տեղահանվածներին օգնություն կամ պաշտպանություն տրամադրելու համար, հետևաբար, տեղեկություններ չունի նրանց կարիքների և գտնվելու պայմանների մասին»,- ասվում է հաղորդագրության մեջ:
Կազմակերպության տվյալներով՝ վերջին երկու օրվա ընթացքում UNRWA-ի հինգ աշխատակից է մահացել։ Հոկտեմբերի 7-ից մինչ օրս զոհվել է 79 աշխատակից, վիրավորվել՝ առնվազն 24-ը։
«Ինչպես Գազայի բնակիչների մեծ մասը՝ մեր աշխատակիցները նույնպես կորցրել են հարազատներին, ընկերներին, հարևաններին և իրենց ընտանիքների հետ միասին տեղահանվել: Այնուամենայնիվ, նրանք շարունակում են անխոնջ աշխատել մարդասիրական օգնություն տրամադրելու ուղղությամբ»,- հավելել են ՄԱԿ-ից:
