Քաղաքականություն
05.11.2023 | 19:06
Լեռնային Ղարաբաղում զոհված ՌԴ խաղաղապահների ընտանիքները Ռուսաստանի խաղաղության հիմնադրամից 1 մլն ռուբլու չափով աջակցություն կստանան: Այս մասին իր տելեգրամյան ալիքում գրել է հիմնադրամի վարչության նախագահ, Ռուսաստանի լիբերալ-դեմոկրատական կուսակցության առաջնորդ Լեոնիդ Սլուցկին:
«Լեռնային Ղարաբաղում զոհված խաղաղապահների ընտանիքները 1 միլիոն ռուբլու օգնություն կստանան Ռուսաստանի խաղաղության հիմնադրամից։ Սեպտեմբերի 20-ին մեր զինծառայողները կրակի տակ են ընկել և զոհվել, մենք պարտավոր ենք աջակցել նրանց ընտանիքներին։ Արդեն մեկ ամիս է անցել ողբերգությունից, բայց մենք թույլ չենք տա, որ դա մոռացվի։ Խաղաղության հիմնադրամը, իմ անձնական հսկողության ներքո, կշարունակի օգնել խաղաղապահների հարազատներին»,- գրել է Սլուցկին։
Հիշեցնենք, որ սեպտեմբերի 20-ին Արցախում ռուսական խաղաղապահ զորակազմի դիտակետից վերադառնալիս գնդակոծության է ենթարկվել ռուս զինվորականների տեղափոխող ավտոմեքենան։
