12.01.2026 | 10:45
Գուցե հրաժարվենք. չի կարող մանկապարտեզի նախագծման պրոցեսը տարիներ տևել. Ավինյան․ ՏԵՍԱՆՅՈՒԹ
Արտերկրից 4,2 մլրդ դրամ է փոխանցվել Հայաստան 2023-ին․ ՌԴ-ից կախումը մեծացել է
Տնտեսություն
05.11.2023 | 19:00
Այս տարվա հունվարից մինչև սեպտեմբերը ներառյալ Հայաստանում ֆիզիկական անձինք 4,2 միլիարդ դրամ փոխանցումներ են ստացել այլ երկրներից։ Ընդ որում՝ այդ գումարների մեծ մասը Հայաստան է փոխանցվել Ռուսաստանից։ Մասնավորապես, ՌԴ-ից Հայաստան ֆիզիկական անձանց փոխանցումները նույն ժամանակահատվածում կազմել են 3 միլիարդ դոլար, ինչը բոլոր փոխանցումների 70 տոկոսն է կազմել։
Կենտրոնական բանկի հրապարակած տվյալների համաձայն՝ ամսական տվյալներով նույնպես Ռուսաստանն առաջատարն է եղել փոխանցումների հարցում։ Երկրորդ տեղում եղել են ԱՄՆ-ից Հայաստան փոխանցումները, որոնք, սակայն, համեմատելի չեն Ռուսաստանից փոխանցումների հետ։ Երրորդ տեղը փոփոխական է․ տարվա ընթացքում այն զբաղեցրել են Շվեյցարիան, Գերմանիան և Արաբական Միացյալ Էմիրությունները։
Ամսական դինամիկան դիտարկելիս նկատվում է, որ դեպի Հայաստան ֆիզիկական անձանց փոխանցումներն առավելագույն ցուցանիշ գրանցել են փետրվարին՝ 714 միլիոն դոլար։ Ամենացածր ցուցանիշը գրանցվել է հուլիսին՝ 377 միլիոն դոլար։
Այս դինամիկան փաստացի համահունչ է եղել Ռուսաստանից Հայաստան փոխանցումների տատանումների հետ։ Ռուսաստանից փոխանցումները նույնպես առավելագույն կետին հասել են փետրվարին, նվազագույն կետին՝ հուլիսին։
Գարիկ Հարությունյան
