24.11.2024 | 11:12
Ռուբլու փոխարժեքը շարունակում է իջնել
Չինաստանի կործանիչը նախազգուշացնող հրթիռ է արձակել Կանադայի ուղղաթիռին շատ մոտ
Քաղաքականություն
03.11.2023 | 21:43
Չինական J-11 կործանիչը Հարավկորեական ծովի միջազգային ջրերում ազդանշանային հրթիռ է արձակել Կանադայի ռազմածովային ուժերի ուղղաթիռին շատ մոտ։ Այս մասին հայտնում է CNN-ը։
Կանադան Sikorsky Cyclone հրթիռի արձակումն անվանել է «անխոհեմ» և նշել, որ նման քայլը կարող էր հանգեցնել վթարի, քանի որ «հրթիռները կարող են հարվածել պտուտակի շեղբերին կամ շարժիչներին»։
Գրոհի ենթարկված ուղղաթիռը բազավորված է Ottawa ֆրեգատի վրա։ Սա այս նավի ինքնաթիռների և չինական J-11-ի նման մերձեցման արդեն երկրորդ դեպքն է։ Նախորդ միջադեպի ժամանակ, որը տեղի է ունեցել հոկտեմբերի 29-ին, չինական կործանիչներն ուղղաթիռից մոտ 30 մետր հեռավորությամբ են անցել։
Գրոհի ենթարկված ուղղաթիռի օդաչուի խոսքով՝ ինքը նախկինում ունեցել է չինացի օդաչուների վտանգավոր պահվածքից խուսափելու փորձ, որոնք փորձում էին տուրբուլենտություն ստեղծել իր ուղղաթիռի շուրջ։ Միջադեպի ժամանակ նա ստիպված է եղել ուղղաթիռը հասցնել ծայրահեղ ցածր բարձրության։
«Նման վարքագիծն անընդունելի է ցանկացած պարագայում, և մենք դա կհայտնենք Չինաստանի Ժողովրդական Հանրապետությանը հնարավորինս ընդունելի ձևով», – ասել է Կանադայի պաշտպանության նախարար Բիլ Բլերը։
