15.01.2026 | 12:36
Նոր պատվաստանյութեր ենք ներդրել վերջին տարիներին. Ավանեսյան․ ՏԵՍԱՆՅՈՒԹ
ՀԱՊԿ-ում Հայաստանի դաշնակիցները շնորհավորել են Ադրբեջանին Արցախում էթնիկ զտումների իրականացման համար
Քաղաքականություն
03.11.2023 | 21:28
Աստանայում անցկացվող Թուրքական պետությունների կազմակերպությունների գագաթնաժողովում Հայաստանի հետ նույն ռազմական ՝ՀԱՊԿ և տնտեսական՝ ԵՏՄ կառույցներում ներառված երկրները շնորհավորել են Ադրբեջանին սեպտեմբերի 19-ին Արցախի դեմ իրականացրած ռազմական ագրեսիայի և դրան հետևած էթնիկ զտման կապակցությամբ։ Խոսքը, մասնավորապես, Ղազախստանի և Ղրղզստանի մասին է։
«Շնորհավորում եմ նախագահ Իլհամ Ալիևին և ողջ ադրբեջանական ժողովրդին տարածքային ամբողջականության վերականգնման կապակցությամբ։ Ձեր երկիրը վերականգնել է իր տարածքային ամբողջականությունը և թևակոխել զարգացման նոր դարաշրջան։ Այս պատմական քայլն իրականացվել է ՄԱԿ-ի կանոնադրության և Անվտանգության խորհրդի բանաձևերի համաձայն»,- ասել է Ղազախստանի նախագահ Կասիմ-Ժոմարտ Տոկաևը։
Փաստորեն, ըստ Տոկաևի, միջազգային իրավունքի խախտմամբ ուժի կիրառումը, ռազմական հանցագործությունների կատարումն ու բռնի տեղահանությունը համապատասխանում են ՄԱԿ-ի կանոնադրությանը։
Ղրղզստանի նախագահ Սադիր Ժապարովը նույնպես շնորհավորել է Ալիևին։
«Շնորհավորում ենք Ադրբեջանի ժողովրդին տարածքային ամբողջականության ամբողջական ապահովման կապակցությամբ»,- ասել է նա։
Ավելի վաղ գրավյալ հայկական Շուշի, ինչպես Վարանդա այցելած Ուզբեկստանի նախագահ Շավքաթ Միրզիոևը ևս շնորհավորել է Ադրբեջանին ու նրա նախագահին։ Նա հայտարարել է, որ «հաստատվել է պատմական արդարություն, և Ղարաբաղն արդեն թևակոխել է վերականգնման ու բարգավաճման շրջան»։
Էմմա Չոբանյան
