12.01.2025 | 16:47
2018 թ. հեղափոխությունից հետո ժողովրդի մղումներն իրականացնելու ճանապարհով գնալը կործանարար կլիներ մեր պետության համար. Փաշինյան
ՌԴ-ն հավանություն է տվել Կապանում գլխավոր հյուպատոսություն բացելու համաձայնագրին
Քաղաքականություն
02.11.2023 | 23:03
ՌԴ կառավարությունը հավանություն է տվել Կապանում գլխավոր հյուպատոսություն բացելու մասին համաձայնագրին։ Այս մասին որոշումը ստորագրել է ՌԴ վարչապետ Միխայիլ Միշուստինը։
«Ընդունել Ռուսաստանի ԱԳՆ առաջարկը նոտաների փոխանակման միջոցով Ռուսաստանի Դաշնության կառավարության և Հայաստանի Հանրապետության կառավարության միջև Կապանում Ռուսաստանի Դաշնության գլխավոր հյուպատոսություն հիմնելու համաձայնագիր կնքելու մասին», – ասվում է փաստաթղթում:
Կապանում ՌԴ գլխավոր հյուպատոսությունը կլինի երկրորդը Հայաստանում: Առաջինը Գյումրիում է։
ՌԴ արտաքին գործերի նախարարությանը հանձնարարվել է նոտաների փոխանակում իրականացնել։
Ավելի վաղ Հայաստանում ՌԴ դեսպանությունը հայտնել էր, որ Սյունիքում գլխավոր հյուպատոսություն կբացի։ Հաղորդվում էր, որ հոկտեմբերի 5-ին Մեղրիում քննարկում է տեղի ունեցել Կապանում Ռուսաստանի գլխավոր հյուպատոսության բացման առաջնահերթ խմբի ղեկավարի և Մեղրիի քաղաքապետի միջև։
Դեռևս մայիսին Հայաստանի ԱԳՆ-ն դրական էր արձագանքել Սյունիքում ՌԴ գլխավոր հյուպատոսություն բացելու առաջարկին։ ԱԳՆ խոսնակ Անի Բադալյանը Factor.am-ին ասել էր, որ գերատեսչությունը դեռևս ապրիլին է իր համաձայնության մասին հայտնել ռուսական կողմին:
