03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Վիեննայում անհայտ անձինք հրկիզել և պղծել են հրեական գերեզմանատունը
Քաղաքականություն
01.11.2023 | 22:33
Ավստրիայի հրեական համայնքի ղեկավարը հայտնել է, որ երեկ երեկոյան Վիեննայի կենտրոնական գերեզմանատան հրեական հատվածը հրկիզվել է, իսկ գերեզմանատան պատի արտաքին մասում սվաստիկաներ են նկարվել, գրում է BBC-ի ռուսական ծառայությունը։
Նշվում է, որ հրդեհը վնասել է գերեզմանատան հանդիսությունների սրահի նախասրահը, հրշեջներն ու ոստիկանությունը հետաքննություն են իրականացնում։ Այս մասին X-ի իր էջում հայտնել է գրել է Օսկար Դոյչը։ Նշվում է,որ դեպքի հետևանքով տուժածներ չկան։
Վերջին շաբաթներին եվրոպական շատ երկրների իշխանություններ տագնապով նշում են հակասեմական հանցագործությունների թվի աճի մասին՝ զանգվածային ցույցերի ֆոնին, որոնք դատապարտում են Իսրայելին պաղեստինյան ՀԱՄԱՍ խմբավորման դեմ պատերազմի համար:
Ավստրիայի կանցլեր Կառլ Նեհամմերը հայտարարել է, որ «ամենախիստ ձևով» դատապարտում է Վիեննայում հրեական գերեզմանոցի վրա հարձակումը:
«Հակահրեականությունը տեղ չունի մեր հասարակության մեջ»,- գրել է նա X-ում՝ հույս հայտնելով, որ հարձակման հեղինակները շուտափույթ կհայտնաբերվեն։
Էմմա Չոբանյան
