02.11.2024 | 13:33
Հրդեհ Աքորի գյուղում, այրվել է տան տանիք
Էրդողանը հայտարարեց՝ «Զանգեզուրի միջանցքն» Արցախից կարևոր է. միամտություն է կարծել՝ հրաժարվելու են. Ռուբեն Մելքոնյան․ ՏԵՍԱՆՅՈՒԹ
Քաղաքականություն
31.10.2023 | 21:17
Հայաստան-Թուրքիա հատուկ բանագնացների ձևաչափը փակուղում է, մի քանի արհեստական ճիգեր են միայն գործադրվել այն ակտիվացնելու համար։ Factor TV-ին տված հարցազրույցում նման կարծիք է հայտնում Երևանի պետական համալսարանի Արևելագիտության ֆակուլտետի դեկան, թուրքագետ Ռուբեն Մելքոնյանը։
Նրա խոսքով՝ Թուրքիայի նախապայմանների հաղթարշավը շարունակվում է. Արցախի հարցն իրենց համար լուծվեց, հետո էլ կարող են հասնել ՀՀ անկախության հռչակագրին, զինանշանին՝ պահանջելով հանել Արարատ լեռան պատկերը, Անկարան կարող է նույնիսկ պահանջել, օրինակ, Երևանի Կիլիկիա թաղամասի անվան փոփոխություն՝ այն «ոտնձգություն» համարելով Թուրքիայի տարածքային ամբողջականության հանդեպ։
Անդրադառնալով, այսպես կոչված, «Զանգեզուրի միջանցքի» հարցով թուրք-ադրբեջանական տանդեմի պահանջին, Ռուբեն Մելքոնյանը նշում է, որ դրանից չեն հրաժարվելու՝ դա այդ երկու պետությունների հարյուր տարվա նպատակն է։
Հարցազրույցն ամբողջությամբ՝ տեսանյութում։
Թամարա Հակոբյան
