07.11.2026 | 13:08
Ալիկ Սարգսյանի մարզպետության տարիներին 1480 հա հող է տրամադրվել ձևական մրցույթներով․ Դատախազությունը դիմել է դատարան
ԱՄՆ-ի ուժերն Իրաքում և Սիրիայում 13 օրվա ընթացքում 23 անգամ հարձակման են ենթարկվել․ Պենտագոն
Քաղաքականություն
31.10.2023 | 22:23
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
ԱՄՆ Պաշտպանության նախարարությունը պարզել է, որ ԱՄՆ-ի և դաշնակիցների ուժերն Իրաքում ու Սիրիայում այս ամիս 23 անգամ ենթարկվել են հարձակման՝ ներառելով անօդաչու թռչող սարքերի և հրթիռների հարվածներ, գրում է Gercek news-ը։
Հարձակումները նպաստում են տարածաշրջանում առանց այն էլ անկայուն իրավիճակի սրմանը, որն է՛լ ավելի է սրվում Իսրայել-Պաղեստին շարունակվող հակամարտությամբ:
Հարձակումների հանկարծակի աճը Վաշինգտոնը վերագրում է Իրանի կողմից աջակցություն վայելող ուժերին: Անցյալ շաբաթ ամերիկյան կործանիչներն ավիահարվածներ էին հասցրել Սիրիայում՝ թիրախավորելով այն վայրերը, որոնք, ենթադրաբար, կապված են Թեհրանի հետ։
Պենտագոնի պաշտոնյան նշել է, որ հոկտեմբերի 17-ից 30-ը Իրաքում ԱՄՆ-ի և կոալիցիայի ուժերը ենթարկվել են հարձակման առնվազն 14 անգամ, իսկ Սիրիայում՝ 9 անգամ։ Նա մանրամասնել է, որ հարձակումների մեծ մասը կապված է եղել անօդաչու թռչող սարքերի և հրթիռների հետ, սակայն շատերը խափանվել են տեղում տեղադրված ամուր պաշտպանական համակարգերի պատճառով՝ թույլ չտալով նրանց հասնել իրենց նախատեսված թիրախներին:
Վերջին օրերին Սիրիայում ևս երեք հարձակում է տեղի ունեցել ԱՄՆ-ի և կոալիցիայի ուժերի դեմ։ Իրաքում էլ մի խմբավորում, որն իրեն անվանում է «Իրաքի իսլամական դիմադրության խումբ», ստանձնել է ամերիկյան բազաների վրա հարձակումների պատասխանատվությունը:
Էմմա Չոբանյան
