10.04.2026 | 17:53
«Յուվենտուսը» նոր պայմանագիր կնքեց Լուչանո Սպալետիի հետ
ՌԴ-ում վառոդի գործարանում միջադեպ է գրանցվել
Քաղաքականություն
31.10.2023 | 16:46
Այսօր կեսօրին պայթյուն է տեղի ունեցել ՌԴ-ում՝ Սոլիկամսկի «Ուրալ» գործարանում, որտեղ վառոդ է արտադրվում։ Այս մասին գրում է Meduza-ն։
Պերմի երկրամասի ԱԻՆ գլխավոր տնօրինության հաղորդմամբ՝ «Ուրալ» գործարանում պայթյունի մասին հաղորդագրությունը ստացվել է ժամը 13:25-ին (Մոսկվայի ժամանակով 11:25-ին)։ Դեպքի վայր է ուղարկվել 44 մարդ և 11 միավոր տեխնիկա։
ԱԻՆ-ից հայտնել են, որ տուժածներ չկան, քանի որ «պայթյունի պահին շենքում մարդ չի եղել»։ Միջադեպը չի ազդել գործարանի աշխատանքի վրա։ Տարածքային անվտանգության նախարարությունից էլ հայտնել են, որ արտադրամասում, որտեղ տեղի է ունեցել պայթյունը, կոտրվել են պատուհաններ և դռներ, սակայն տուժածներ չկան։
Հավելենք, որ Սոլիկամսկի «Ուրալ»-ը Ռուսաստանի խոշորագույն վառոդի գործարաններից է, այնտեղ նաև ականանետներ, նռնականետներ, կառավարվող և չկառավարվող հրթիռներ են արտադրում։
Էմմա Չոբանյան
