24.06.2026 | 18:05
Վահագն Խաչատուրյանն ընդունել է Հանրային ծառայությունները կարգավորող հանձնաժողովի նախագահ Մեսրոպ Մեսրոպյանին
Գազայում ցամաքային մարտերը շարունակվում են․ Իսրայելի պաշտպանության բանակը «քայլ առ քայլ» առաջ է շարժվում
Քաղաքականություն
31.10.2023 | 16:29
Իսրայելի պաշտպանության բանակի ուժերի և ՀԱՄԱՍ-ի զինյալների միջև անցյալ գիշերվանից փոխհրաձգություններ են տեղի ունենում, BBC-ի ռուսական ծառայությանը հայտնել է Իսրայելի պաշտպանության բանակի ներկայացուցիչը:
Պիտեր Լերների խոսքով՝ Իսրայելի պաշտպանության բանակը համակարգված կերպով ոչնչացնում է գրոհայիններին՝ «քայլ առ քայլ, հարված առ հարված»։ Նա հավելել է, որ պլանը ՀԱՄԱՍ-ի հետ մարտերի մեջ մտնելն ու նրանց ենթակառուցվածքները ոչնչացնելն է:
Լերները նաև մեղադրել է խմբավորմանը մզկիթներից և բնակելի շենքերից կրակելու համար։
Ավելի վաղ ՀԱՄԱՍ-ի ռազմական թևի՝ «Ալ-Քասամ բրիգադների» ներկայացուցիչները հայտարարել էին, որ Գազայի հյուսիսում հակատանկային հրթիռներով դարանակալել են իսրայելական երեք մարտական մեքենաներ, ինչպես նաև ականանետային կրակ են բացել իսրայելցի զինվորների ուղղությամբ Քերեմ սահմանային անցակետի հարավային մասում:
