08.04.2026 | 23:33
Հայաստանը տարածաշրջանում առաջատարն է The Economist-ի Ժողովրդավարության ինդեքսի համաձայն
Ադրբեջանի ՄԻՊ-ը հայտարարել է, թե Արցախի նախկին ղեկավարներին հնարավորություն է տրվում կապ հաստատել ընտանիքի անդամների հետ
Քաղաքականություն
30.10.2023 | 17:59
Ադրբեջանի մարդու իրավունքների պաշտպան Սաբինա Ալիևան հայտարարել է, թե ապօրինաբար Բաքվում պահվող Արցախի նախկին ղեկավարների իրավունքներն ապահովված են։
«Մենք պարբերաբար հանդիպումներ ենք ունենում, հանդիպումներ են եղել նաև Ադրբեջանի դեմ ռազմական հանցագործություններ կատարելու մեջ մեղադրվող անձանց հետ, նրանց իրավունքներն ապահովված են։ Մենք զգայուն ենք յուրաքանչյուր կալանավորի նկատմամբ։ Նրանց հնարավորություն է տրվում կապ պահպանել իրենց ընտանիքների հետ, նրանց տրամադրվում է թարգմանիչ»,- ասել է Ալիևան։
Հավելենք, որ Բաքվի կողմից առևանգվել և ապօրինի պահվում են Արցախի նախկին նախագահներ Արայիկ Հարությունյանը, Բակո Սահակյանն ու Արկադի Ղուկասյանը, ԱԺ նախագահ Դավիթ Իշխանյանը, նախկին պետնախարար Ռուբեն Վարդանյանը, նախկին ԱԳ նախարար Դավիթ Բաբայանը, ՊԲ նախկին հրամանատար Լևոն Մնացականյանն ու ՊԲ փոխհրամանատար Դավիթ Մանուկյանը։
Ադրբեջանական դատարանը նրանց շինծու գործերով ապօրինի կալանավորել է 4 ամսով։
Էմմա Չոբանյան
