05.07.2026 | 16:43
Կրեմլը մանրամասներ է հայտնել Պուտինի և Թրամփի հեռախոսազրույցի բովանդակությունից
Գևորգ Սաֆարյանը՝ «Սասնա ծռերի» և «Հիմնադիր խորհրդարանի» միջև տարաձայնությունների մասին․ ՏԵՍԱՆՅՈՒԹ
Քաղաքականություն
25.07.2018 | 17:03
«Հիմնադիր խորհրդարանը» պատրաստվում է մասնակցել արտահերթ խորհրդարանական ընտրություններին և այդ ուղղությամբ իրականացնում է մի շարք կարևոր գործողություններ։
Այս մասին այսօր լրագրողների հետ հանդիպման ժամանակ ասաց «Հիմնադիր խորհրդարանի» անդամ Գևորգ Սաֆարյանը՝ ընդգծելով, որ դեռևս հստակ չէ՝ խորհրդարանական ընտրություններին կգնան միայնա՞կ, թե՞ դաշինքով․ «Նախընտրական փուլում կարող են լինել բանակցություններ այլ ուժերի, կոալիցիոն գործընկերների հետ, այնպես որ, հստակ չէ, թե ինչ կարգավիճակով կգնանք ընտրություններին»։
Խոսելով Երևանի ավագանու ընտրությունների մասին՝ Գևորգ Սաֆարյանն ասաց, որ «Հիմնադիր խորհրդարանը» դեռևս հստակ որոշում չունի, թե այդ ընտրություններին ում թեկնածությունը կպաշտպանի և չի քննարկել՝ ընդհանրապես ավագանու ընտրություններին կմասնացե՞ն, թե՝ ոչ։
Գևորգ Սաֆարյանը խոսեց նաև վերջին օրերին մամուլում շրջանառվող լուրերի մասին, ըստ որոնց՝ «Հիմնադիր խորհրդարանի» և «Սասնա ծռերի» միջև առկա են որոշակի տարաձայնություններ և ընդգծեց․ «Որևէ տարաձայնություն «Սասնա ծռերի» և «Հիմնադիր խորհրդարանի» միջև չկա։ Մենք միասին անցել ենք Բերձորի, մահափորձերի և ճնշումների միջով, այնպես որ պառակտում չկա»։
Մանրամասները՝ տեսանյութում:
