15.01.2026 | 23:17
Ստեփանծմինդա-Լարս ավտոճանապարհը փակ է բեռնատարների համար
Հրթիռ է ընկել Եգիպտոսի ծովափնյա առողջարանային քաղաքում. վիրավորներ կան
27.10.2023 | 13:45
Հինգշաբթի լույս ուրբաթ գիշերը ուժեղ պայթյուն է որոտացել Եգիպտոսի Տաբա քաղաքում, որը գտնվում է Կարմիր ծովի ափին։ Reuters-ի փոխանցմամբ՝ այս պահին հայտնի է վեց վիրավորի մասին։
Տաբա առողջարանային քաղաքը գտնվում է իսրայելական Էյլաթի հետ սահմանի մոտ: Իսրայելի պաշտպանության բանակը հայտնել է, որ տեղյակ է «անվտանգության միջադեպի» մասին։
Եգիպտական Al Qahera News հեռուստաալիքի փոխանցմամբ՝ պայթյունը որոտացել է բժշկական հաստատության մոտ։ Վնասվել է նաև հարակից բնակելի շենքը, հաղորդել է հեռուստաալիքը՝ ուղիղ եթերում ցուցադրելով պայթյունի կադրերը։
Աղբյուրի տվյալներով՝ պայթյունը տեղի է ունեցել հրթիռի ընկնելու հետևանքով և կապված է Իսրայելի ու Գազայի միջև պատերազմի հետ։ Սակայն պարզ չէ՝ հարվածը պատահակա՞ն, թե՞ նպատակային է եղել։
