12.01.2025 | 19:12
Հայտնաբերվել է պատերազմում նահատակված Արմեն Գասպարյանի տնից գողություն կատարելու մեջ կասկածվող անձը
ՖԻԴԵ-ի «Գրանդ Սվիս»-ի երկրորդ տուրում հաղթանակ է տոնել Սամվել Տեր-Սահակյանը
27.10.2023 | 10:29
Հայ շախմատիստները շարունակում են ելույթները ՖԻԴԵ-ի «Գրանդ Սվիս» մրցաշարում:
«Արմենպրես»-ի հաղորդմամբ` Մեծ Բրիտանիայի Մեն կղզում ընթացող մրցաշարում կայացել են երկրորդ տուրի պարտիաները: Հայաստանը ներկայացնող շախմատիստներից Հրանտ Մելքումյանը, Հայկ Մարտիրոսյանը, Մանուել Պետրոսյանը, Շանթ Սարգսյանը, Գաբրիել Սարգսյանը ոչ-ոքի են ավարտել պարտիանները, իսկ Սամվել Տեր-Սահակյանը հաղթանակ է տոնել:
Հայաստանի շախմատի տղամարդկանց թիմի նախկին առաջատար, այժմ ԱՄՆ դրոշի ներքո հանդես եկող Լևոն Արոնյանը կիսել է միավորը:
Կանանց մրցաշարում Հայաստանի երկու ներկայացուցիչները մրցեցին միմյանց հետ և պարտիան ավարտվեց ոչ-ոքի:
ՖԻԴԵ-ի «Գրանդ Սվիս» մրցաշարը մեկնարկել է հոկտեմբերի 25-ին և կեզրափակվի նոյեմբերի 11-ին: Մրցաշարը բաղկացած է 11 տուրից և անցկացվում է շվեյցարական մրցակարգով: Մրցաշարի ընդհանուր մրցանակային ֆոնդը կազմում է 460 հազար դոլար, առաջին հորիզոնականը զբաղեցրած շախմատիստը կստանա 80 հազար դոլար: Կանանց և տղամարդկանց մրցաշարում 1-ին և 2-րդ տեղերը զբաղեցրած շախմատիստները իրավունք են ստանում մասնակցելու 2024 թվականի հավակնորդների մրցաշարին։
