12.03.2026 | 23:35
Վթար Երասխ-Երևան ավտոճանապարհին․ կան տուժածներ
ԵՄ-ն շուրջ 10 մլն եվրո կհատկացնի Հայաստանում կրթական կենտրոնների ստեղծման համար
Քաղաքականություն
26.10.2023 | 17:57
Global Gateway համաժողովի շրջանակում ԵՄ Հարևանության և ընդլայնման հարցերով հանձնակատար Օլիվեր Վարհեին և Եվրոպական ներդրումային բանկի (EIB) նախագահ Վերներ Հոյերը ստորագրել են Հայաստանում կրթական ենթակառուցվածքների բարելավման ֆինանսական փաթեթի մի մասը: Փաթեթը ներառելու է 10 միլիոն եվրոյի դրամաշնորհ, որը տրամադրվում է Եվրոպական հանձնաժողովի կողմից EIB Global-ի միջոցով:
Նշվում է, որ ծրագիրը ներառում է երկու արտադպրոցական կրթության և ուսուցիչների վերապատրաստման կենտրոնների կառուցում Հայաստանի հարավային Սյունիքի մարզի Կապան և Գորիս քաղաքներում։ Կենտրոնները կգործարկվեն Հայաստանի մանուկներ հիմնադրամի (COAF) կողմից, որը շահույթ չհետապնդող կազմակերպություն է՝ նվիրված Հայաստանի գյուղական շրջաններում երեխաների և ընտանիքների համար կրթական հնարավորությունների զարգացմանն ու ենթակառուցվածքների կառուցմանը:
Կենտրոնները 6-ից մինչև 18 տարեկան երեխաների համար կապահովեն հետդպրոցական կրթության հնարավորություններ և հասանելիություն երիտասարդական ծառայություններին: Հատուկ տրանսպորտային ցանցի միջոցով մինչև 6000 ուսանողներ կսովորեն այնպիսի առարկաներ, ինչպիսիք են մեխանիկա, ծրագրավորում, ձեռներեցություն, լեզուներ, արվեստ, երաժշտություն և աթլետիկա: Նրանք նաև օգտվելու են սոցիալական աշխատողների և կրթական խորհրդատուների ծառայություններից, ուսումնական ճամփորդություններից, արտաքին փորձագետների ու մասնագետների հետ քննարկումներրից:
Նշվում է, որ ծրագիրն աջակցում է Հայաստանի համար «Ներդրումներ կրթության մեջ, հատկապես Սյունիքի մարզում» նախաձեռնությանը՝ Եվրոպական միության Արևելյան գործընկերության տնտեսական և ներդրումային ծրագրի շրջանակում:
Բացի այդ, այն նաև հանդիսանում է «Դիմակայուն Սյունիք» եվրոպական նախաձեռնության անբաժանելի մասը, որն աջակցում է Հայաստանի հարավային շրջանի սոցիալ-տնտեսական ճկունությանը։ Նշվում է, որ տարածաշրջանն ամենաշատն է տուժել 2020 թվականի ռազմական գործողություններից և Լեռնային Ղարաբաղի հայերի զանգվածային տեղահանությունից:
«Այսօրվա հայտարարությունը ԵՄ-ի կրթության ոլորտում իրականացվող բարեփոխումներին նվիրվածության ևս մեկ ապացույցն է, բարձրացնել իր որակը, արդիականացումը և տնտեսությունը: Կրթությունն առաջնային է Հայաստանի համար տնտեսական և ներդրումային ծրագրի դրոշակակիրների ներքո, և ես ուրախ եմ, որ Սյունիքի մարզում երկու ոչ ֆորմալ կրթական կենտրոնների շինարարությունն իրականություն կդառնա: Այն կապահովի գյուղական կրթության որակի բարձրացումը և աշխատուժի զարգացումը, կպատրաստի Հայաստանի երիտասարդներին, ներառյալ՝ խոցելի խմբերին, գտնելու համապատասխան աշխատանք մրցունակ աշխատաշուկայում: Սա Հայաստանում կրթության նկատմամբ ԵՄ-ի համապարփակ մոտեցման մի մասն է, որին մենք վերջերս հատկացրել ենք 32 միլիոն եվրո բյուջետային աջակցություն կրթության ռազմավարության իրականացման համար»,- ասել է Օլիվեր Վարհեին։
Միջոցառմանը ներկա ՀՀ նախագահ Վահագն Խաչատուրյանը նշել է, որ կարևոր քայլ է կատարվում Հայաստանի Սյունիքի մարզում կառուցվելիք և COAF-ի կողմից շահագործվող ոչ ֆորմալ կրթության երկու կենտրոնների իրագործման ուղղությամբ։
«Սա կարող է օգնել ավելի ամրապնդել կապերը ֆորմալ և ոչ ֆորմալ կրթության միջև, քանի որ վերջինն առաջինի էական օժանդակությունն է: Ավելին, Սյունիքում այս խելացի կենտրոնների կառուցումը կնպաստի Հայաստանի հարավային մարզերի զարգացման ավելի մեծ նպատակին»,- ընդգծել է ՀՀ նախագահը։
Էմմա Չոբանյան
