07.10.2026 | 19:12
Թուրքական նավերի վրա հարձակումներից հետո Էրդողանը Պուտինի հետ Սև ծովում անվտանգության հարցն է քննարկել
Ալիևը հայտարարել է, թե Եվրոպային «ավելի, քան երբևէ անհրաժեշտ է ադրբեջանական գազը»
Քաղաքականություն
26.10.2023 | 22:06
Վերականգնվող էներգիայի ոլորտում ներդրումները թույլ կտան Ադրբեջանին խնայել մեծ քանակությամբ բնական գազ, որը ներկայում օգտագործում են էլեկտրաէներգիա արտադրելու համար։ Այս մասին հայտարարել է Ադրբեջանի նախագահ Իլհամ Ալիևը 230 ՄՎտ հզորությամբ Գարադաղի արևային էլեկտրակայանի բացման պաշտոնական արարողության ժամանակ, գրում են ադրբեջանական լրատվամիջոցները։
«Այս ներդրումը թույլ կտա մեզ խնայել մեծ քանակությամբ բնական գազ, որը մենք ներկայում օգտագործում ենք էլեկտրաէներգիա արտադրելու համար։ Իսկ սա մի քանի միլիարդ խորանարդ մետր է, որը կտնտեսվի արտահանման համար, որովհետև Եվրոպային հիմա ավելի, քան երբևէ անհրաժեշտ է ադրբեջանական գազը՝ կապված վերջին աշխարհաքաղաքական փոփոխությունների հետ»,- ասել է Ալիևը։
Հավելենք, որ վերջերս Bloomberg գործակալությունը գրել էր, որ Ադրբեջանի ծրագրերը՝ կրկնապատկելու ԵՄ գազի արտահանումը, վտանգի տակ են, քանի որ բանակցությունները մտել են փակուղի։ Ըստ տեղեկությունների՝ Ադրբեջանը մատակարարման պայմանների շուրջ բանակցություններ է վարել ավելի քան 10 եվրոպական երկրների հետ, սակայն դրանք արդյունք չեն տվել։
Գազի գնման հարցում դիրքորոշման փոփոխությունը տեղի է ունեցել Եվրոպայում էներգետիկ ճգնաժամի թուլացումից հետո։
Էմմա Չոբանյան
