15.09.2026 | 20:21
Քննարկվել են ՀՀ զինված ուժերի և Կանզասի ազգային գվարդիայի միջև գործընկերությանն առնչվող հարցեր
ՆԳ նախարարն ու ոստիկանության պետը մասնակցել են ոստիկանության զորքերի հատուկ նշանակության զորամասի 18-ամյակի միջոցառմանը
25.10.2023 | 21:21
Հոկտեմբերի 25-ին տեղի է ունեցել ոստիկանության զորքերի հատուկ նշանակության զորամասի կազմավորման 18-ամյակին նվիրված միջոցառում, որին մասնակցել է ՀՀ ներքին գործերի նախարար Վահե Ղազարյանը:
ՆԳՆ-ից հայտնում են, որ ներկա են եղել նաև ՆԳ նախարարի տեղակալ-ոստիկանության պետ, ոստիկանության գեներալ-մայոր Ար
Նախարարը, ոստիկանության պետն ու հրամանատարական կազմը ծաղիկներ են խոնարհել հանուն հայրենիքի և ծառայողական պարտականությունները կատարելիս զոհված ոստիկանների հիշատակը հավերժացնող հուշարձանին։
Միջոցառումը սկսվել է մեկ րոպե լռությամբ։ Ներկաները հարգել են հանուն հայրենիքի և ծառայողական պարտականությունները կատարելիս զոհված ոստիկանների հիշատակը։
ՆԳՆ ոստիկանության զորքերի և զորամասի հրամանատարները շնորհավորել են ծառայողներին և բարի ծառայություն մաղթել։
Զորամասը կազմավորվել է 2005 թվականի հոկտեմբերի 25-ին. ծառայողների հիմնական խնդիրը հասարակական կարգի, ինչպես նաև հատուկ ու կարևորագույն օբյեկտների պահպանումն է։ Զորամասի ծառայողները մասնակցել են նաև 44-օրյա պատերազմին։
Բարեխիղճ ծառայությամբ աչքի ընկած մի խումբ ոստիկաններ ՆԳՆ ոստիկանության պետի և ոստիկանության զորքերի հրամանատարի կողմից արժանացել են պարգևների։
Հատուկ նշանակության զորամասի ծառայողները ներկայացրել են մարտավարական հնարքներով ցուցադրական ելույթներ։
Միջոցառման ավարտին ելույթ է ունեցել ՆԳՆ ոստիկանության զորքերի երգչախումբը, ինչից հետո Վահե Ղազարյանն ու Արամ Հովհաննիսյանը ոստիկանության զորքերի հրամանատարության ուղեկցությամբ շրջել են զորամասում, ծանոթացել պայմաններին և իրականացված աշխատանքներին։
