07.10.2026 | 17:17
Ռուբիոն հայտարարել է, որ Իրանը «լիովին կորցրել է վերահսկողությունը» Հորմուզի նեղուցի նկատմամբ
Սիրիայում և Իրաքում ԱՄՆ ռազմաբազաներին արդեն 13 հարված է հասցվել. Պենտագոն
Քաղաքականություն
25.10.2023 | 22:34
ԱՄՆ-ի և «Իսլամական պետություն» (ԻՊ) ահաբեկչական խմբավորման դեմ պայքարող միջազգային կոալիցիայի ռազմաբազաները Սիրիայում և Իրաքում անցած շաբաթվա ընթացքում արդեն ենթարկվել են 13 հարձակման, հայտնել է Պենտագոնի խոսնակ, գեներալ Փեթ Ռայդերը, գրում է DW-ի ռուսական ծառայությունը։
Հոկտեմբերի 17-ից հոկտեմբերի 24-ն ընկած ժամանակահատվածում զինվորներն առնվազն 10 հարված են ստացել հրթիռներով և անօդաչու սարքերով Իրաքում, երեք անգամ՝ Սիրիայում, ասել է նա:
Գեներալի խոսքով՝ հարձակումների հետևում կանգնած են «Իսլամական հեղափոխության պահապանների կորպուսից (ԻՀՊԿ) և Իրանի ռեժիմից աջակցություն ստացող խմբավորումներ»։
ԱՄՆ-ը մոտ 900 զինծառայող է տեղակայել Սիրիայում և մոտ 2500-ը՝ Իրաքում՝ ԻԼԻՊ-ի դեմ պայքարելու համար։
Իրանին մոտ կանգնած զինված խմբավորումները սպառնացել են հարձակվել ԱՄՆ-ի ռազմական օբյեկտների վրա այն բանից հետո, երբ ԱՄՆ-ը խոստացել է աջակցել Իսրայելին, որը ենթարկվել է պաղեստինյան ՀԱՄԱՍ խմբավորման զանգվածային հարձակմանը:
Հոկտեմբերի 22-ին Միացյալ Նահանգները հայտարարեց տարածաշրջանում ավելի մեծ ներկայության մասին և զգուշացրեց Իրանին ու նրա դաշնակից զինված խմբավորումներին Մերձավոր Արևելքում հակամարտությունն ընդլայնելու դեմ:
