21.06.2026 | 19:02
Ջեյ Դի Վենսը հայտնել է Իրանի հետ բանակցություններում առաջընթացի մասին
Բաքվում շարունակվում է Վագիֆ Խաչատրյանի շինծու գործով դատավարությունը
Քաղաքականություն
25.10.2023 | 12:54
Ադրբեջանում շարունակվում է Լաչինի միջանցքից առևանգված Վագիֆ Խաչատրյանի շինծու գործով հերթական դատական նիստը, գրում են ադրբեջանական լրատվամիջոցները։ Նիստը նախագահում է Բաքվի ռազմական դատարանի դատավոր Զեյնալ Աղաևը։ Նշվում է, որ նիստի ընթացքում, իբր, ցուցմունքներ են տալիս տուժողները։
Հավելենք, որ չնայած ադրբեջանական կողմի ճնշումներին՝ Վագիֆ Խաչատրյանը հերքում է իրեն առաջադրված բոլոր շինծու մեղադրանքները։ Դատական այս ֆարսին՝ այսօր անդրադարձել է նաև ՀՀ հատուկ հանձնարարություններով դեսպան Էդմոն Մարուքյանը։
Հիշեցնենք՝ Կարմիր Խաչի միջազգային կոմիտեի ուղեկցությամբ հուլիսի 29-ին բուժման նպատակով Արցախից Հայաստան տեղափոխվող Վագիֆ Խաչատրյանն առևանգվել էր Լաչինի միջանցքի ապօրինի անցակետում։ Այնուհետև Բաքուն նրան շինծու մեղադրանքներ էր առաջադրել «զանգվածային սպանությունների» համար։
Էմմա Չոբանյան
