04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Վագիֆ Խաչատրյանի դատավարությունը ֆարսի ժանրից է,մարդու իրավունքների եվրոպական կոնվենցիայի ծաղր․ Էդմոն Մարուքյան
Քաղաքականություն
25.10.2023 | 11:23
ՀՀ հատուկ հանձնարարություններով դեսպան Էդմոն Մարուքյանն անդրադարձել է Ադրբեջանում շարունակվող Վագիֆ Խաչատրյանի շինծու գործով դատավարություններին, որն առևանգվել է Լաչինի միջանցքից։
«Ինչպես ավելի վաղ նշել եմ՝ Ադրբեջանում ընթացող բոլոր դատավարությունները, այդ թվում՝ Վագիֆ Խաչատրյանի դատավարությունը, ֆարսի ժանրից են և մարդու իրավունքների եվրոպական կոնվենցիայի ծաղր, համընդհանուր ընդունված միջազգային նորմերի խախտում՝ Ադրբեջանի ստանձնած բոլոր պարտավորությունների համատեքստում»,- գրել է Մարուքյանը X-ի իր էջում։
Նա նշել է, որ Խաչատրյանը կրկին հերքել է իր մասնակցությունը Մեշալիի դեպքերին և հայերեն ներողություն խնդրել՝ բառացիորեն ասելով, որ այնտեղ չի եղել։
«Ես այնտեղ չեմ եղել, ներողություն եմ խնդրում բոլորից, այնտեղ չեմ եղել»,- ասել է Խաչատրյանը։
«Սակայն թարգմանիչը փոխանցել է, որ Խաչատրյանը ներողություն է խնդրում ադրբեջանական ժողովրդից այն բոլոր միջադեպերի համար, որոնք հայերը կատարել են՝ Վագիֆի խոսքերը սխալ մեկնաբանելով։ Ակնհայտ է, որ ադրբեջանական ռեժիմի օրոք արդար դատավարություն չի կարող իրականացվել, ուստի նրանք պետք է անհապաղ ազատ արձակեն Հայաստանից և Լեռնային Ղարաբաղից բոլոր գերիներին»,- գրել է Մարուքյանը։
Հիշեցնենք, որ այսօր տեղի է ունենալու Վագիֆ Խաչատրյանի շինծու գործով հերթական դատական նիստը։
Էմմա Չոբանյան
