16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Վալերի Օսիպյանի քավորի նկատմամբ քրեական գործ հարուցելու կաշկանդվածություն ՊԵԿ-ը չունի
Տնտեսություն
25.07.2018 | 12:14
Պետական եկամուտների կոմիտեի ղեկավար Դավիթ Անանյանի հրահանգով՝ ՊԵԿ-ում սկսվել է ներքին ծառայողական քննություն օպերատիվ հետախուզության վարչության պետ Կարեն Կարապետյանի նկատմամբ։ Նախ համակարգում կփորձենք հասկանալ և ամփոփել այդ քննության արդյունքները, որից հետո նոր կիրականացվեն դրանից բխող գործողություններ։ Այս մասին Factor․am-ին փոխանցեց ՊԵԿ նախագահի մամուլի խոսնակ Լուսինե Մկրտչյանը։
Հարցին՝ արդյոք արձանագրված արդյունքներն իրավապահ մարմիններին ամբողջությամբ ներկայացնելու կաշկանդվածություն չկա՞, և դա գործելո՞ւ է ՊԵԿ յուրաքանչյուր պաշտոնյայի համար, խոսնակը պատասխանեց․ «Կարեն Կարապետյանի վարքագծի ուսումնասիրության, պաշտոնական լիազորությունների հնարավոր չարաշահման ուղղությամբ իրականացվող քննության արդյունքները ոստիկանությանը ներկայացնելու որևէ կաշկանդվածություն չունենք, քրեական գործ հարուցելու կաշկանդվածություն՝ ևս։ Այդ քաղաքականությունը գործում է ՊԵԿ յուրաքանչյուր պաշտոնյայի համար»։
Հիշեցնենք, որ ՊԵԿ նախագահ Դավիթ Անանյանը Կենտրոնի հարկային տեսչության նախկին պետ Կարեն Կարապետյանին համակարգ է վերադարձրել՝ նշանակելով ՊԵԿ օպերատիվ հետախուզության վարչության պետ։
Կարեն Կարապետյանը ոստիկանապետ Վալերի Օսիպյանի քավորն է և ռուսաստանաբնակ մեծահարուստ Արմեն Գինոսյանի հովանավորյալը։
Հիշեցնենք, որ ըստ մամուլի հրապարակումների, Կարեն Կարապետյանը, օգտվելով իր զբաղեցրած պաշտոնից, իրեն պատկանող ընկերության՝ «Պլենիում» ՍՊԸ-ի համար արտոնյալ պայմաններ է ստեղծել՝ մրցակից ընկերություններին դուրս մղելով շուկայից։ Հայտնի է նաև՝ «Շառլոտ» ակումբում նրա մասնակցությամբ ծեծկռտուքը, որից հետո Կարապետյանը հեռացվել էր համակարգից։
Աղավնի Սուքիասյան
