07.10.2026 | 14:23
Հարավային Կովկասում կայուն խաղաղության հեռանկարն ավելի իրատեսական է թվում, քան նախկինում․ Չավուշօղլու
Իրանը դեմ է Հարավային Կովկասում օտար ուժերի ներկայությանը․ Աբդոլլահիան
Քաղաքականություն
23.10.2023 | 22:13
Թեհրանը դեմ է Հարավային Կովկասում օտար ուժերի ներկայությանը։ Այս մասին հայտարարել է Իրանի արտաքին գործերի նախարար Հոսեյն Ամիր Աբդոլլահիանը՝ ելույթ ունենալով «3+3» տարածաշրջանային խորհրդատվական հարթակի նախարարական հանդիպման ժամանակ։
«Այսօր մեր երկրները պետք է օգտվեն պատմական հնարավորությունից, քանի որ պատերազմը Հարավային Կովկասում ավարտվել է, և եկել է խաղաղության, համագործակցության և առաջընթացի ժամանակը։ Տարածաշրջանում արտաքին ուժերը ոչ միայն չեն լուծի խնդիրը, այլև էապես կբարդացնեն իրավիճակը»,- Աբդոլլահիանի խոսքերն է մեջբերում Tasnim գործակալությունը։
Հիշեցնենք՝ Թեհրանում տեղի է ունեցել ԱԳ նախարարների մակարդակով «3+3» ձևաչափի հանդիպումը, որի ընթացքում Ադրբեջանի, Հայաստանի, Իրանի, Ռուսաստանի և Թուրքիայի ԱԳՆ ղեկավարներ Ջեյհուն Բայրամովը, Արարատ Միրզոյանը, Հոսեյն Ամիր Աբդոլլահյանը, Սերգեյ Լավրովն ու Հաքան Ֆիդանը քննարկել են տարածաշրջանում ստեղծված իրավիճակը։
Վրացական կողմը հրաժարվել է մասնակցել հանդիպմանը։
