31.05.2026 | 20:00
չԾխելու ՇԵՐՏԵՐԸ. ինչպես է շրջանցվում արդեն 6 տարի գործող օրենքը․ ՏԵՍԱՆՅՈւԹ
Այսօր կվավերացվի Ֆրանսիայից սպառազինություն գնելու համաձայնությունը․ Պապիկյանը հանդիպել է Ֆրանսիայի ԶՈՒ նախարարին
Քաղաքականություն
23.10.2023 | 17:06
Ֆրանսիայի Հանրապետության Զինված ուժերի նախարար Սեբաստիան Լըկորնյուն այսօր հանդիպել է իր հայ գործընկերոջ՝ Սուրեն Պապիկյանի հետ․ տեղեկանում ենք Ֆրանսիայի ԶՈՒ նախարարության X-ի միկրոբլոգում արված գրառումից։ Նշվում է, որ հանդիպման նպատակը զենքի ձեռքբերումը պաշտոնապես ձևակերպելն է։
«Որպեսզի ⌈Հայաստանը- խմբ․⌉ կարողանա պաշտպանել իր խաղաղ բնակչությանը և ապահովի իր սահմանների պաշտպանությունը»,- նշված է գրառման մեջ։
Փարիզից պատգամավոր Աստրիդ Փանոսյանն էլ X-ի իր էջում գրել է․ «Հետագա քայլ Հայաստանի ու Ֆրանսիայի «Ռազմավարական մտերմության» մեջ։ Սեբաստիան Լըկորնյուն և նրա հայ գործընկեր Սուրեն Պապիկյանը քննարկում են ռազմական համագործակցությունը Հայաստանի ինքնիշխանության պաշտպանության համար։ Ֆրանսիան միշտ լինելու է Հայաստանի կողքին»,-գրել է Փանոսյանը։
Ավելի վաղ տեղեկացրել էինք, որ ՀՀ պաշտպանության նախարար Սուրեն Պապիկյանը Ֆրանսիա է մեկնել այդ երկրի զինված ուժերի նախարար Սեբաստիան Լըկորնյուի հրավերով։
Լըկորնյուն Le Parisien-ին տված հարցազրույցում հայտարարել էր, որ Ֆրանսիան ու Հայաստանը մտադիր են ձևակերպել Երևանի կողմից ֆրանսիական սպառազինության գնման մասին պայմանավորվածությունները: Մասնավորապես, պաշտոնապես կձևակերպվի ֆրանսիական արտադրողներից որոշակի քանակով սպառազինության ձեռքբերումը։
