18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
Վրաստանի իշխող կուսակցությունը նոր «պատիժ» է մշակել նախագահի համար․ նրան ոտքի կանգնած չեն դիմավորի խորհրդարանի նիստերի դահլիճում
Քաղաքականություն
23.10.2023 | 19:22
Վրաստանի խորհրդարանական մեծամասնությունը որոշ արարողակարգեր չի պահպանի նախագահ Սալոմե Զուրաբիշվիլիի նկատմամբ, որին չի հաջողվել իմփիչմենթի ենթարկել։ Այս մասին հայտարարել է «Վրացական երազանքի» առաջնորդ Իրակլի Կոբախիձեն, փոխանցում է SOVA-ն։
«Սալոմե Զուրաբիշվիլին Սահմանադրությունը խախտող պաշտոնյա է, իհարկե, մեզ համար դժվար կլինի կատարել այն արարողակարգերը, որոնց նախկինում հետևում էինք, օրինակ՝ շնորհավորանքներ։ Իսկ երբ Զուրաբիշվիլին հայտնվի խորհրդարանի նիստերի դահլիճում, նրան կանգնած չեն դիմավորի»,- ասել է նա։
Կոբախիձեն հավելել է, որ Զուրաբիշվիլին «միայն ֆորմալ նախագահ է», հետևաբար՝ «նման արարողակարգերը չեն պահպանվի»։
«Վրացական երազանքի» պատգամավորները Զուրաբիշվիլիին ծափահարություններ չշնորհեցին, երբ նախագահը հայտնվեց անցյալ շաբաթ խորհրդարանում՝ քննարկելու իր իսկ իմփիչմենթի հարցը:
Հիշեցնենք, որ Վրաստանի խորհրդարանում Զուրաբիշվիլիի իմփիչմենթը տապալվել է։ «Վրացական երազանքը» չի հավաքել անհրաժեշտ 100 ձայնը. Զուրաբիշվիլիի պաշտոնանկությանը կողմ է քվեարկել 86 պատգամավոր, մեկը՝ դեմ։ Վրաստանի խորհրդարանի կանոնակարգի համաձայն՝ օրենսդիր մարմինը չի կարողանա երկրորդ անգամ իմփիչմենթի գործընթաց նախաձեռնել։
