07.11.2026 | 13:08
Ալիկ Սարգսյանի մարզպետության տարիներին 1480 հա հող է տրամադրվել ձևական մրցույթներով․ Դատախազությունը դիմել է դատարան
Հնդկաստանը հաջողությամբ փորձարկել է նոր տիեզերական առաքելության հրթիռը
Քաղաքականություն
23.10.2023 | 22:24
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Հնդկաստանն իրականացրել է մի քանի ծրագրված փորձնական թռիչքներից առաջինը նոր տիեզերական առաքելության նախապատրաստության շրջանակում։ Հնդկական տիեզերական հետազոտությունների կազմակերպությունը (ISRO) հայտնել է անօդաչու հրթիռի փորձարկման մասին, որը հաջողությամբ ավարտվել է հոկտեմբերի 21-ին հարավային Շրիհարիկոտա կղզու տիեզերական կենտրոնում, փորձարկել է տիեզերագնացների շտապ տարհանման համակարգի աշխատանքը, փոխանցում է DW-ի ռուսական ծառայությունը։
Սա և հետևող մյուս փորձարկումները «Գագանյան» մարդատար առաքելության մեկնարկի նախապատրաստական ծրագրի մասն են, որը նախատեսված է 2024-2025 թվականներին: Դրա ընթացքում երեք տիեզերագնացներով նավը պետք է բարձրանա Երկրից 400 կիլոմետր բարձրության վրա և վերադառնա:
Հնդկաստանի վարչապետ Նարենդրա Մոդին հայտարարել է, որ երկրի նպատակը մինչև 2035 թվականը տիեզերական կայանն ուղեծիր դուրս բերելն է, իսկ 2040 թվականին՝ Լուսին տիեզերագնաց ուղարկելը։
Հիշեցնենք, որ օգոստոսի վերջին հնդկական Chandrayaan-3 առաքելությունը բարեհաջող վայրէջք էր կատարել Լուսնի վրա, իսկ սեպտեմբերի սկզբին առաջին հնդկական արևային հետազոտական ապարատը՝ Aditya-L1 ավտոմատ կայանն էր արձակվել Բենգալյան ծոցի ազգային տիեզերակայանից:
Էմմա Չոբանյան
