25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Կիևի հարվածների արդյունքում ոչնչացվել է ռուսական 9 ուղղաթիռ, ևս 15-ը վնասվել է
23.10.2023 | 12:34
Oryx-ի ռազմական փորձագետների տվյալներով՝ Բերդյանսկի և Լուգանսկի օդանավակայանների վրա Կիևի հարձակման արդյունքում ոչնչացվել է ռուսական ինը ուղղաթիռ՝ յոթ Ka-52 և երկու Մի-8, փոխանցում է Meduza-ն։
Նշվում է, որ ևս 15 ուղղաթիռներ վնասվել են։ Այս մասին հայտնել է Oryx-ի վերլուծաբան Յակուբ Յանկովսկին X-ի իր էջում։ Նա նշում է, որ խոսքը անվերականգնելի վնասի մասին է։
Հիշեցնենք, որ Ուկրաինայի զինվորականները հայտարարել էին, որ հոկտեմբերի 17-ի գիշերը հարվածներ են հասցրել Լուգանսկի և Բերդյանսկի օդանավակայաններին։ Արևմտյան ԶԼՄ-ների տվյալներով՝ այդ հարվածների համար Ուկրաինայի ԶՈՒ-ն առաջին անգամ օգտագործել էին ԱՄՆ-ի կողմից փոխանցված ATACMS հրթիռները։
