06.06.2026 | 11:03
ՄԱԿ-ի Գլխավոր ասամբլեան միաձայն ընդունել է Հայաստանի ներկայացրած «Կրթություն հանուն խաղաղության» բանաձևը
Գազայի հիվանդանոցին կարող էր հարվածել ՀԱՄԱՍ-ի՝ անհաջող արձակված հրթիռը․ Իսրայելի ՊԲ
Քաղաքականություն
18.10.2023 | 00:09
Գազայի հատվածի հիվանդանոցին հարված կարող էր հասցնել ՀԱՄԱՍ-ի զինյալների հրթիռը՝ անհաջող արձակման պատճառով, DW-ի փոխանցմամբ՝ ասվում է ՑԱԽԱԼ-ի հետաքննության մեջ, որի նախնական արդյունքների մասին հայտնել է իսրայելական i24 հեռուստաալիքը:
Բացի այդ, ԶԼՄ-ները նշում են, որ պայթյունից րոպեներ առաջ ՀԱՄԱՍ-ի Telegram-ալիքում հաղորդագրություն է հայտնվել Հայֆայի ուղղությամբ հրթիռի արձակման մասին, մինչդեռ իսրայելական քաղաքում հարձակման մասին չեն հայտնել: Տասը րոպե անց առաջին լուրերն են հայտնվել Ալ Ահլի հիվանդանոցին հարվածելու մասին:
Պաղեստինի ինքնավարության նախագահ Մահմուդ Աբբասը չեղարկել է Ջո Բայդենի հետ հանդիպումը, գրում է AP-ն՝ վկայակոչելով պաղեստինյան աղբյուրները: Մերձավոր Արևելքի մի շարք երկրներ, այդ թվում՝ Եգիպտոսը, Կատարը, Իրանը և Թուրքիան դատապարտել են կատարվածը: Ավելի վաղ Գազայի քաղաքացիական պաշտպանության ուժերի ներկայացուցիչները հայտարարել են, որ առնվազն 300 մարդ է զոհվել, սակայն հարյուրավոր մարդիկ մնացել են փլատակներում:
