15.12.2025 | 15:31
Արարատի մարզի որոշ շրջաններում 24 ժամ ջուր չի լինի
«Սարսափելի, դաժան և բացարձակապես անընդունելի»․ Գազայի հիվանդանոցի վրա հարձակման արձագանքները
Քաղաքականություն
17.10.2023 | 23:34
BBC-ի փոխանցմամբ՝ Եգիպտոսը վճռականորեն դատապարտել է Գազայի հատվածի հիվանդանոցին հասցված ավիահարվածը, որի հետևանքով, նախնական գնահատականներով, հարյուրավոր մարդիկ են զոհվել:
Եգիպտոսի ԱԳՆ-ի հայտարարության մեջ ասվում է, որ միջազգային հանրությունը պետք է շտապ միջամտի։
Եգիպտոսից հետո Կանադայի վարչապետ Ջասթին Թրյուդոն այդ ավիահարվածն անվանել է «սարսափելի և բացարձակապես անընդունելի»:
Ավիահարվածի դատապարտմամբ հանդես է եկել Հորդանանը, իսկ Թուրքիայի նախագահ Էրդողանը կոչ է արել դադարեցնել «Գազայում աննախադեպ դաժանությունը»:
MedGlobal միջազգային բարեգործական կազմակերպության ղեկավար Զախեր Սահլուլն այս հարձակումն անվանել է 21-րդ դարում բուժհաստատության վրա կատարված ամենադաժան հարձակումը, ռազմական հանցագործություն, ինչպես նաև բուժհաստատությունների չեզոքության սկզբունքի և Ժնևի կոնվենցիայի խախտում:
Զոհվածների թվերն առայժմ մոտավոր են։ Ավելի վաղ Գազայի քաղաքացիական պաշտպանության ուժերի ներկայացուցիչները հայտարարել են, որ առնվազն 300 մարդ է զոհվել, սակայն հարյուրավոր մարդիկ մնացել են փլատակներում:
Իսրայելը դեռ չի հաստատել, որ դա իր ավիացիայի հարձակումն է եղել։
Տեսանյութը՝ այստեղ։
