14.12.2024 | 18:16
ՆԳ նախարարը Ոստիկանության անձնակազմի հետ օպերատիվ խորհրդակցություն է անցկացրել
Բազմաթիվ մարդիկ սպասում են Ռաֆահ անցակետի բացմանը՝ Գազայից Եգիպտոս անցնելու համար
Քաղաքականություն
16.10.2023 | 15:35
Գազայի հատվածը լքել ցանկացող տասնյակ մարդիկ հավաքվել են Եգիպտոսի հետ սահմանին գտնվող Ռաֆահ սահմանային անցակետում այն բանից հետո, երբ լուրեր տարածվեցին, որ այն կարող է ժամանակավորապես բացվել, գրում է BBC-ի ռուսական ծառայությունը:
Միաժամանակ, մարդասիրական օգնություն տեղափոխող տասնյակ բեռնատարներ կուտակվել են սահմանի եգիպտական կողմում: Իսրայելի կողմից չվերահսկվող միակ անցակետը, սակայն, շարունակում է փակ մնալ։
Եգիպտոսի իշխանությունները հասկացրել են, որ չեն բացելու սահմանային անցակետը, քանի դեռ չեն ստացել իրենց աշխատակիցների անվտանգության երաշխիքները։ Բացի այդ, Կահիրեն հասկացրել է, որ պատրաստ կլինի Գազայից հեռանալու հնարավորություն տալ միայն օտարերկրյա քաղաքացիներին, իսկ անկլավի մշտական բնակիչները պետք է մնան այնտեղ։
Իսրայելն իր հերթին ցանկանում է ստուգել Գազա մտնող բոլոր բեռնատարները՝ համոզվելու համար, որ դրանք ռազմական բեռներ չեն տեղափոխում:
Ավելի վաղ Իսրայելի իշխանությունները հերքել էին մի շարք լրատվամիջոցների հաղորդագրություններն այն մասին, թե Եգիպտոսի հետ ժամանակավոր հրադադարի մասին համաձայնություն է ձեռք բերվել՝ օտարերկրյա քաղաքացիների տարհանման ու մարդասիրական օգնություն հասցնելու համար։
