15.09.2026 | 19:21
Դատավոր Սամվել Թադևոսյանը կրկին հրաժարականի դիմում է ներկայացրել. ԲԴԽ-ն դադարեցրել է նրա լիազորությունները
Էրդողանի որդին ու փեսան մասնակցել են Ստամբուլում անցկացված հակաիսրայելական երթին
Քաղաքականություն
16.10.2023 | 14:22
Ստամբուլում շաբաթ օրը «Պաղեստինի մեծ երթ» է անցկացվել՝ ի նշան բողոքի Պաղեստինի վրա Իսրայելի հարձակումների։ Թուրքական լրատվամիջոցների հաղորդմամբ՝ Թուրքիայի և Պաղեստինի դրոշներով հազարավոր մարդիկ են հավաքվել Բեյազիտ հրապարակում։ Ցուցարարները պարզել են նաև Պաղեստինին աջակցող պաստառներ։
Երթը բուռն քննարկումներ է առաջացրել, քանի որ հրապարակված լուսանկարներից երևում է , որ դրան մասնակցել են նաև Թուրքիայի նախագահ Ռեջեփ Թայիփ Էրդողանի ընտանիքի անդամները։
Հակաիսրայելական երթին մասնակցել են Էրդողանի որդին՝ Բիլալ Էրդողանն ու փեսան՝ Սելջուկ Բայրաքթար, ինչպես նաև Էրդողանի կուսակիցները՝ Թուրքիայի Ազգային մեծ ժողովի նախկին նախագահ Մուսթաֆա Շենթոփը և ներքին գործերի նախկին նախարար, այժմ պատգամավոր Սուլեյման Սոյլուն։
