16.05.2026 | 13:49
Թանգարանային գիշերը՝ Մատենադարանում․ միջոցառումների ցանկը
ՀԱՄԱՍ-ը չի ներկայացնում Պաղեստինի ժողովրդի շահերը. Մահմուդ Աբբաս
Քաղաքականություն
16.10.2023 | 14:40
ՀԱՄԱՍ իսլամիստական շարժման գործողություններն ու քաղաքականությունը, որը վերահսկում է Գազայի հատվածը, չեն արտացոլում պաղեստինյան ժողովրդի շահերը։ Այս մասին Վենեսուելայի ղեկավար Նիկոլաս Մադուրոյի հետ հեռախոսազրույցի ժամանակ հայտարարել է Պաղեստինի ազգային վարչակազմի ղեկավար Մահմուդ Աբբասը, գրում է DW-ի ռուսական ծառայությունը։
Նա դեմ է արտահայտվել ինչպես պաղեստինցիների, այնպես էլ իսրայելցիների շրջանում խաղաղ բնակիչների սպանությանը, նաև կոչ է արել ազատ արձակել երկու կողմերի քաղաքացիական անձանց, բանտարկյալներին և կալանավորներին։ Իսկ հակամարտությունը, ըստ նրա, պետք է հանգուցալուծվի քաղաքական որոշմամբ, որը պետք է գտնել ոչ բռնի ճանապարհով։
Պաղեստինի ղեկավարը նաև նշել է, որ «չի ընդունում սեփական ժողովրդի տեղափոխումը Գազայի հատվածից»՝ այն անվանելով երկրորդ Նակբա (պաղեստինցի արաբների գաղթը 1947-1949 թթ. արաբ-իսրայելական պատերազմի արդյունքում)։
Աբբասն ասել է, որ Գազայում պետք է բացվեն հումանիտար միջանցքներ, իսկ բնակչությանը պետք է ապահովել ջրով ու դեղորայքով։
Էմմա Չոբանյան
